مساء الخير.. مهابيل أبو حصيرة

انا مش عارف ايه حكاية اولياء الله الصالحين اصحاب الكرامات وعلاقتهم بالأحذية.. معقول الرجل الصالح اللي محدش عارفله ملة أبو حصيرة.. اللي ركب الحصيرة وعمل فيها "كولمبس " مكتشف أمريكا وعبر البحار ووصل الي القدس كان جزمجي.. !! ومن العجائب والطرائف أن يرتبط الرجال الصالحون بهذه المهن وان يكون لهم كرامات يشيب لها الولدان.. !! عموما دي معتقدات دينية ولها أصول تاريخية.. وأنا بأحترم كل الروايات طالما أن هناك عبرًا لهذه الروايات تدفع الانسان ليكون مؤمنًا قوي الايمان..!!! ولكن لما تتحول الروايات والحكايات الي مولد كبير وناس لا تعرف الحق من الباطل ولا تفرق بين الايمان والمسخرة وتقلب الحقائق وتمارس افعالا فاضحة من رقص واحضان وبوس وشخلعة وكله علي ودنه.. مولد بقي وصاحبه غايب.. عمنا أبو حصيرة رجل صالح وما اكثر الصالحين في بلدنا لهم مقامات كثيرة في كل حتة ولكن للاسف لا نعرف لها أصلا ولا فصلا ويحضرها حبايبنا المدروشين ومعاهم بتوع المراجيح..!!
من مولد ابو حصيرة الي مولد الرجل صاحب الكرامات ابو سجادة الي مولد الرجل الكريم ابو بطانية يا قلبي لاتحزن.. !!
عاملين ضجة وزيطة وزمبليطة علشان واحد مش عارفين ملته إيه.. مسلم ولا يهودي ولا مسيحي..؟!! رجل صالح مجهول الهوية جاء من المغرب ليس له علاقة بإسرائيل ولا بالصهاينة ولا عمره شاف أم اللي جابت ولاد الايه دول.. !وعلشان واحد يهودي تطوع ودفنه في المقابر اليهودية يجي شوية سناكيح تعودوا علي زرع الخواطر اللي ترمز الي وجودهم ثم يتحدثون عنها بأنها من معتقداتهم.. مش كفاية حكاية انهم بناة الاهرامات..!! وعمالين يركبوا الطيارات اليومين دول رايحين يزوروا ضريح ابو حصيرة.. والحاخامات بتعهم وصلت مدينة دمنهور للاعداد للمولد رغم صدور حكم قضائي نهائي غير قابل للاستئناف بعدم إقامة المولد.. الا ان توافد الاعداد علي قرية دميتو بدمنهور محافظة البحيرة من جانب اليهود عمال يزداد بشكل غير طبيعي..!! مما يضاعف الغضب الشعبي لاهالي القرية واليوم الاسود اللي عمنا ابو حصيرة حط عندهم وعجبته القرية..!! زمن الاعاجيب والألاعيب.. مأساة الحاج ابو حصيرة تحتاج الي "معددة" تلطم علي وجهها ببرطوشة.. !!ناس قاعدة في امان الله يخش عليها شوية مقاطيع قريتهم وتقول هنا مولانا ابو حصيرة وهنا قصر فرعون رمسيس الثاني اللي تربي فيه سيدنا موسي وده بحر فرعون اللي بيستخدموه الأهالي الآن في الصرف الصحي.. ويقولوا هذا هو اليم الذي فيه مشي صندوق موسي وهو رضيع..!! وقال ايه عاوزين يعملوا مولد لسيدنا موسي.. أصل المشرحة ناقصة قتلة..!! مولد مين يا ولاد "المعددة "علي عمركم الاسود واليوم الازرق اللي شفناكم فيه..؟!!
مش كفاية اللي عملينوا في الفلسطينيين والذل والاهانات لما يروحوا يصلوا في المسجد الاقصي والقدس..!! طيب ليه بقي التماحيك اللي مالهاش لازمة وحكاية ابو حصيرة وابو سجادة وابو آفه..!! ده حتي اللي بييجي من اسرائيل شوية شكحلية شنكوحية مرتزقة مش لاقيين ياكلوا وجايين يرموا جتتهم علي الفلاحين الغلابة بقرية دميتو بدمنهور..!! الناس في القرية مش لاقية تهرش من الغلب والعذاب وكمان ناقصين شوية الدراويش اليهود والمهابيل يرقصوا عرايا ويشربوا الخمر ونزلين في بعض احضان وقبلات حارة وحركات هيستيرية مجنونة تطلع العفريت من القمقم..!! صحيح قليل البخت يلاقي العضم في الكرشة.. هذا المثل ينطبق علي أهل قرية دميتو بدمنهور لسوء حظهم بدل ما يظهر عندهم بترول ولا منجم ذهب زي منجم السكري.. يظهر عندهم ابو حصيرة حتي مش أبو لحاف ولا أبوكليم ولا ابو سجادة حاجة كده عليها العين..!! عيني علي اهل دميتو!!
يهود ما عندهمش دم بصحيح..!! وزي ما بيقول أهل القرية من يوم لما اليهود بدأوا يزوروا ابو حصيرة والمصائب والنوائب والكوارث والحصرة لحقت بهم ولونت حياتهم بلون الهباب..!!
قال ايه: أبو حصيرة له كرامات وبيحقق الامنيات زي مولانا العارف ببواطن الامور مولانا الشيخ المراجيحي شيخ مشايخ الطرق والكباري ومعظم مريديه من بتوع المراجيح علشان كده بيتواجدوا في كل الموالد حبا في آل بيت الشيخ المراجيحي..!!
"وشيء لله يأبو حصيرة "ومدد يا كلهم.