صباح: خلص قربت نهايتي ما تبكوا

في حديث لصحيفة الراي، استهلّت سيدة البسمة والفرح شحرورة لبنان الصبوحة كلامها ب: "خلص قربت نهايتي، من زمان أنتظر الموت، أنا أرغب به، أريد أن أعرف سره، وماذا يوجد بعد الموت، كل الأصحاب والأحباب، ومن صنعت معهم ألعابنا وحكاياتنا وفننا رحلوا، دخلك شو بعد في؟ لبنان وخربوه وشوهوه، لازم روح".

وعن عدم سؤال رجال السياسة عنها قالت: "مش فاضيين للبنان فكيف بدك ياهن يفكروا فينا، أنا بشرفهن بس ما بتشرف فيهن، أنا ما سرقت ولا عملت الفساد ولا قتلت أحد، ولا برقبتي في دماء، أنا غنيت الفرح والوطن والجمال، وأدخلت السعادة على قلوب الناس، كنت بالحرب أغني بالشارع وما خاف لأني بحب بلدي وأهلي... ما بدي تبكوا إذا مت، ولا بدي خطابات، بدي تذيعوا أغنياتي وتدبكوا، وترتدوا الملابس الفرحة، ما بدي ملابس سوداء... أنا رايحة ع عالم جديد فبدي تزفوني...".