ميار الببلاوي تنفي اتهامها لشقيقتها بالردة.. وتؤكد: أنا واخواتي خط أحمر

نفت الفنانة والإعلامية ميار الببلاوى، ما كُتب على حسابها على موقع التواصل الاجتماعى "فيس بوك" بشأن اتهامها لشقيقتها بالردة وتبرأها منها، مؤكدة أن حسابها تعرض للسرقة من الساعة العاشرة مساء.
وكتبت صباح اليوم عبر حسابها: "يا جماعة الأكونت بتاعى كان مسروق من الساعه 10 مش عارفه ايه اللى اتكتب دا استغفر الله العظيم هى حصلت لكده إلا اخواتى عيب عليكم".
وتابعت فى تدوينة مفصلة :"يا ناس انا واخواتى حاجين بيت ربنا وأختى الصغيره بابا كان ميروحش العمرة الا وهى فى ايده يعنى الحمد لله احنا مصليات ومعتمرات وزوجات لرجالة نحسبهم على خير.. كلكم معرض لسرقة الأكونت بتاعه".
"وأنا بدى موبايلى أثناء الحلقة لأى حد علشان المداخلات وجايز ناس محترفة هكرت الأكونت هو اللى بينشرولوا صور إباحية بيبقى عارف ايه منشور.. انا فعلا صحفيين كلمونى وسألونى عن الأكونت قلتلهم إنه مش مسروق لإنى فعلا مكنتش أعرف إنه مسروق لحد ما ابنى ربنا يحفظه رجعهولى بسرعة بعد ما الكارثه اتكتبت على بنتى وأختى وأكتر إنسانة مبتستحملش عليا كلمه اذونى فيها".
واختتمت كلامها قائلة: "أنا وإخواتى خط احمر وحبنا لبعض ولأولادنا وجوازنا المحترمين دى دعوه الغالى الله يرحمه اتقوا الله وسيبونى فى حالى بقى كفايه إلى انا فيه والموضوع دا اتقفل واى موقع هينقله هرجع عليه بالمساءله القانونيه وعندى إلى يثبت سرقه اكونتى من الساعه 10 لحد 1 بعد منصف الليل".