تعلم ضوابط قيادة السيارات الاوتوماتيك

لقيادة السيارات متعة وشغف لتحقيقها يجب اتباع ضوابط حتى تحافظ على سيارتك سواء في السيارات المانيوال او الأتوماتيك، ويعتقد الكثير ان السيارات الأتوماتيك هي التي تقود نفسها بسهولة وهذا الاعتقاد فيه نسبة من الصواب والخطأ لكن اذا اتبعت التعليمات ستصبح قيادة سهلة وممتعة دون احداث خلل في ناقل الحركة "الفتيس" بالعربية.
أول حاجة هنتكلم على الرموز الاساسية اللى بنشوفها فى الفتيس
ال P يعنى Park ويثبت "الفتيس" عندما نقف تماما بالعربية
ال R يعنى Reverse دى اللى بيخلى العربية ترجع للخلف مارشدير
ال N يعنى Neutral وضع التمووير ... الموور
ال D يعنى Drive وضع السواقة او المشى بالعربية
1 - لازم تبقى عارف أن العربية فى الاوتو مش هتدور
على ال D ولا هتدور على ال R لانة ب اختصار ال D و ال R بيفصلو كهربة عن المارش تماما و مش هيخلى العربية تدور نهائى
2 - و أنت واقف فى أشارة هات ال N اللى هو المور عشان تريح تروس الفتيس و متلفش على الفاضى و تبقى العربية عايزة تطلع
و انت ماسكها فرامل
3 - و أنت بتجيب ال D أو ال R خلى رجلك على الفرامل لانك لو جبت حاجة منغير فرامل هتلاقى العربية مشيت
منغير ما تدوس بنزين لان التروس اتحركت و حركت العربية معاها ...
4 - مينفعش تنقل من نقلة ل نقلة و العربية ماشية حتى لو ماشية على سرعة 5 كم يعنى مينفعش مثلا و انت بتطلع من ركنة و جايب ال D و العربية لسة براحة اوى اهى و بتطلع من الركنة تروح جايب ال R عشان تعدل نفسك و تطلع
لا انت كدة بدمر تروس الفتيس مع الوقت لازم العربية تقف
و تروح جاى ناقل من ال D و ال R و العكس
5 - نيجى بقى لل الاوضاع التانية و هى ال L و ال 2 و ال 3
ال L هو الغيار الاولانى و دة الناس بتستخدمة فى المطالع الجامدة لانة بيدى عزم شديد على سرعة قليلة بس خد بالك مينفعش تكون ماشى 60 ولا 80 و تروح جايب ال L هتكسر الفتيس كدة اخرك 30 بالكتير تجيب ال L عليها
ال 2 و دة الغيار التانى و الاول مع بعض بيسمح للعربية تننقل بينهم
ال 3 و دة الغيار الاول و التانى و التالت فقط مش بتنقل للرابع
ممكن عادى و انت ماشى على ال L او ال 2 او ال 3 تجيب ال D مرة واحدة عادى لانة دة شغال على جميع النقلات ف اى وقت عادى
6 - نصيحة ياريت الكل يعمل بيها لو عايز تحافظ على فتيس عربيتك
و انت بتركن او بتقف بالعربية
متروحش جايب ال P مرة واحدة و متشدش الهاند
او تجيب ال P و تشد الهاند بعدها
الوقفة الصح بالفتيس الاوتو هو انك خلاص هتبطل اهو و تنزل من العربية ركز بقى معايا
تروح دايس فرامل و تجيب ال N و ترفع الهاند و بعد كدة
تجيب ال P
3خطوات ... من الشمال لليمين
N Hand Break P
انت بكدة حملت على الهاند بريك و اللى وظيفتها توقف العربية
لكن لما بتجيب ال P و بعد كدة الهاند انت كدة حملت العربية كلها بالمكنة بكلة على ترس الفتيس و مع الوقت بيتاكل و يتكسر و ترجع تقول لية انا كنت محافظ على العربية.