مذيع الحياة عن البنطلون المبلول:"مبقتش اعرف الدكر من النتايه!"

علق الإعلامي تامر أمين، على بنطلون التبول اللإرادى المنتشر على مواقع التواصل الاجتماعى الاسبوع الماضى، قائلا:" لو المجتمع نسبة الانحرافات والشذوذ الفكرى فيه زائدة لازم تخاف على المجتمع ولعنه الله دائماً على الموضة التى لا تحترم الحياة ولا الأخلاق ولا الفكر".
ووصف أمين خلال برنامج "الحياة اليوم" بقناة "الحياة"، الجمعة، قائلا:" "البنطلون المبلول هو الوصف المحترم لان الكلمه الدارجه عليه مش هقدر اقولها اسمها "البنطلون ابوحاجة" البنطلون ده موضة الشركات الاجنبية بتاعت الجينز بعد ماعملوا الجينز العادى والباجى والاسترتش وبعدالسوبر استريتش وبعد البنطلون الساقط اللى بيبين لامؤاخذه البوكسرات وبعد البنطلون المقطع فقاموا بلين البنطلون فبنطلون التبول اللاارداى انتشر انتشار كبير وللاسف فى قدر كبير من الشباب من اجل الهبل على الموضة راحوا اشتروه وبيتباع ب880 جنيه يعنى اروح ادفع حوالى 1000 جنيه عشان اعمل تبول لاارداى عشان امشى فى الشارع مبلول".
وتابع:"نفسى الشباب لاينجرف وراء الموضه اياً كانت انا بقيت امشى كتير فى الشارع مابعرف الدكر من النتاية اللى مطول شعره واللى عامل حلق ده فى عيال بتلبس دلوقتى تشيرتات شبيكة مخرمة فبقيت ماشى لازم تعفص فيه عشان تعرف ده راجل والا ست فأرجوكم بلاش هذا البنطلون ياأما انت بتشرتيه عشان تقولنا انت بتعمل تبول لاارادى يااما انت لامؤاخذه" ورداً على هذا الموضوع "هيئه من علماء الازهر" قالوا "ان هذا البنطلون المبلول يحض على التحرش وخطره أكبر من خطر التحرش و فيه تشبه بالشواذ".