بعد ضمه حمودي.. الزمالك ل«الأهلي»: بالهنا والشفا.. مصمصوه!!

نشرت مجلة نادي الزمالك، تقريراً حول رحيل أحمد حمودي صانع ألعاب الفريق الأبيض، لصفوف النادي الأهلي، بداية من الموسم المقبل، بعد انتهاء عقد إعارته للقلعة البيضاء.
وتحت عنوان بالهنا والشفاء، وجهت مجلة الزمالك رسالة للنادي الأهلي بخصوص أحمد حمودي، جاءت على النحو التالي: "بيقولوا خلصوا مع حمودي.. طيب بالهنا والشفا.. كلوه ومصمصوه.. بس لازم نفكرهم أنه كان عندنا بديل بينزل آخر 10 دقائق.. أوعوا تنسوا الحكاية دي.. اللي معناها أن أقل واحد عندنا أحسن من كتير عندكم.. بدليل واحد مبيلعبش وكان بيتحايل علينا يلعب ونقول له أنت لسه صغير يا واد.. دلوقتي طالعين بيه السما وعملتوا حفلة عشان اتعاقدتم معاه".
وأضافت الرسالة: "والله الزملكاوية كده استريحوا واطمنوا على نوع صفقاتكم.. ده دليل على أنكم بتخبطوا فى الحلل ومفيش حاجة لها قيمة هتوصلكم.. لو كنتم جايبين حد تاني يستأهل توفروا له الحفلة.. عموماً مرة تانية بالهنا والشفا".