يارا نعوم تتسأل: لماذا لم يحجز الأهلي تذكرة عودة لمتعب من الامارات؟

أعربت يارا نعوم زوجة عماد متعب مهاجم الأهلي، عن إستيائها من وضع اللاعب الحالي داخل القلعة الحمراء، متعجبة من طريقة التعامل معه علي الرغم من تاريخه الكبير الذي لايمكن أن يغفله أحد.
قالت نعوم، عبر صفحتها الخاصة علي موقع التواصل الاجتماعي "فيس بوك"أنا نفسى أفهم ليه بيتعمل كدة مع عماد، عماد نفسه مش فاهم فى ايه و إزاى بيتعمل معاه كدة و أخر حاجة كانت امبارح كل اللعيبة لعبت إلا هو.
أضافت نعوم،" اه عملنا ماتش عالمى امبارح مع فريق عالمى دى كلمة قليلة عليه،بس ده ماتش ودى مش نهائى افريقيا،صح ولا غلط، (التعتيم الإعلامى+عدم مشاركة+نشر اخبار كاذبة على لسانه وتسريب اخبار بالإستغناء عنه ولسه فاضل فى عقده سنة)، ده السيناريو المحفوظ اللى كل الناس حفظته و زهقت منه.
شددت نعوم، " على فكرة لو عايز تشوه صورة عماد شوف سيناريو غير ده عشان خلاص اتهرس و الناس مش هاتصدقه زى بالظبط موضوع ان عماد اخره 5 او 10 دقايق و العفريت اللى بيحضره بيجهز بعد الدقيقة تسعين و هوب هات ياعماد الجول فرح الناس وانقذنا من البهدلة و التقطيع".
تابعت نعوم، " في المؤتمر الصحفى الكوتش بيقول كان نفسى يكون موجود بس احنا عندنا 4مهاجمين متميزين،طب فهمت انا ايه كدة !!!.
طيب ده عماد هو اللى فى السكور على طول و باقى المهاجمين مش دايماً موجودين،و امبارح من باب اولى انك تلاعب اللى موجود معاك على طول مش اللى برة و بقاله شهور ماشفش الاستاد،صح ولا غلط ؟".
تساءلت نعوم، " هي صفحات الكراسة بتخلص عند عماد بس زى ماقال بركات ؟، عماد كبير و تاريخ عماد مش من السهل ان حد ييجى زيه تانى غير بعد سنين كتير اوى".
أتمت نعوم، "على فكرة عماد مكنش محجوزله تذكرة عودة مع الفريق ومكنش هيرجع معاهم،ياترى ياهل ترى ده العيب فى السيستم ولا فينا و لا فى مين بالظبط ؟".