بالفيديو.. مرتضى منصور عن استقالة حازم إمام :«أنا مش جايب حد دلوعة»

علق مرتضى منصور، رئيس نادى الزمالك، على الأنباء التى ترددت حول اعتزام حازم إمام "الثعلب الصغير" تقديم استقالته من رئاسة الجهاز الفنى للفريق الكروى، قائلاً: "لو عايز يستقيل يستقيل، الكلام ده مش مظبوط، أنا مش جايب حد دلوعة، أنا جايب حد جامد، وحازم إمام كان كابتن الزمالك، ومش فاهم هو زعلان منى فى إيه، هو حازم ده عيل صغير يا جماعة، والكلام ده كلام عيال هيفا".
وأضاف مرتضى خلال تصريحاته لبرنامج "اللعبة الحلوة" قائلاً: "حازم وإسماعيل يوسف، وميدو إضافة للجهاز، بس مش شايف مبرر إن حازم يزعل، وأنا مشفتهوش من يوم ما جه، واللى عمل المعسكرات وعامل كل ده هو إسماعيل يوسف، حازم مش هيعمل معسكرات ويشوف اللاعبين هيناموا فين، لأنه راجل فنى، فأى حد فى مجلس الإدارة أو الجهاز أو اللاعبين أو حتى أنا، عايز يمشى يتفضل يقدم استقالته ويمشى، الزمالك أكبر مننا كلنا، ومعتقدش إن حازم عايز يستقيل لأنه كبير ومحترم".