محافظ القليوبية: «ماتهولوش الحدث الناس بتموت في سيناء كل يوم»

نشبت مشادة كلامية بين المهندس محمد عبد الظاهر محافظ القليوبية، وبين مقدمي برنامج "صباحك مصري" المذاع على فضائية "MBC مصر 2"، بسبب اللهجة الهجومية التي تحدث بها المحافظ، واعتبرها الإعلاميين سهام صالح وهشام عاصي محاولة اتهام بأنهم يهولون الموضوع على حد وصفه.
وقال عبد الظاهر إن ليس من الوطنية تهويل الأمور لأن الموضوع ابسط من البساطة وسيتم تعويض المواطنين جميعا وتحمل تكاليف الخسائر التي طالت المباني، مضيفا: "كام ألف جنيه هيخلصوا الموضوع، الناس قاعدين جنبي ومفيش أي حاجة وبياكلوا فول وطعمية، والتهويل اللي بيحصل ده هو اللي بيطفش السياحة مننا".
وأضاف: "إيه المشكلة يعني ماتهولوش وتضخموا الحدث ما الناس بتموت في سيناء كل يوم طول النهار".
لترد بعدها سهام صالح: حضرتك أحنا بننقل وجهة نظرك ونظر المسئولين في الحادث بكل حيادية ومؤسسة كبيرة ومقدرين العبء الواقع عليك، لكن عمرنا ما كنا بنهول ولا بننقل حاجة عكس الحقيقة".
بينما رد هشام عاصي بأن لهجة المحافظ كانت هجومية ولم يتقبلها؛ لأنها في غير محلها.
ليتراجع المحافظ عن تعليقه: أنا أقصد القنوات التانية اللي بتهول الموضوع، وعارف أنكم ناس وطنيين.