رمضان بتاع إعلانات مش بتاع مسلسلات !

عزيزي المواطن الكل بيجهز لرمضان بطريقته في إلي بيجهز نفسه للعبادة, وفي إلي بيبقى ناقد فني للأعمال التلفزيونية في رمضان, وفي إلي بيبقى مجهز إنه يتفرج على الإعلانات ,أحنا بقى هنشوف الإعلانات السنة دي عاملة أزاي .
نبدأ بسم الله خلينا متفقين إن زي ما في الوحش في الحلو :
- إعلان مؤسسة معاً لمحمد صبحى عبقرى فعلا فوق على السطح ناس بتعزف وتأكل وتشرب وعاملين حفلة وفي نفس السفينة تحت في غرفة المحركات في حريقة ،إلي فوق مش حاسين باللي تحت وبالحريقة بتاعتهم لحد ما انفجرت المحركات وغرقت السفينة كلها ، يعتبرهذا الإعلان من أقوى التشبيهات على أهمية التكاتف بيننا .
- إعلان مستشفى "أبناء مصر" لعلاج الحروق ، الإعلان دا ممكن يكون منفر جداً بس مع ذلك هو إعلان مهم جدا وفي رأي إعلان تعليمي أكثر لإنه وضح للناس خطر النار وإنها تحرق ف ثواني لكن علاجها ياخد سنين ، ودا خلى ناس كتير تاخد حذرها .
- إعلان الشاي اللي محدش أختلف عليه ، الاسئلة إلي فيه بتمثل " تقرير الواقع " المصريين كلهم بيقوموا بالمهمة دي أنهم يسألوك على حاجة واضحة وضوح الشمس ،وبذلك يكون إعلان ناجح بشهادة عدد كبير من الناس .
- لازم ندي نبذة عن إعلانات وصلت لهدفها بطريقة حلوة ...مستشفى 57357 عملوا إعلانين ،إعلان – في نظري – لم ينجح في الوصول لهدفه بسبب كلمة واحدة "بس انتِ عندك سرطان" لترد عليه الفتاة المصابة بالسرطان وتحارب المرض " وايه يعني " الاعلان دا محبط بطريقة بشعة ، ولكن يجي ف إعلان تاني يورينا أهمية الصداقة والصحاب وأنهم مش كلام وخلاص لا دي أفعال هم مجموعة أصدقاء واحد منهم جاله سرطان مبعدوش عنه وبطلوا يكلموه أو يسألوا عنه لا بالعكس دول حوشوا كل الفلوس الي بياخدوها من أي حته وراحوا اتربعوا في المستشفى علشان يتعالج ودا كان كويس لأن الإعلان اشتغل على رسالتين رسالة أخلاقية ورسالة إنسانية .
- طبعاً من الإعلانات السيئة إعلانات الملابس الداخلية وكفاية إني اقول انها مخالفة لعادات وتقاليد بلد زي مصر .
- مش عايزين ننسى البطة برأس قطة ،حقيقي إعلان مضحك ، وبرضه مش هننسى المنافسة والضرب تحت الحزام بين شركات المحمول .
إعلانات كتير على الساحة بس مش كلهم بيأثر علينا ...