#مهزلة.. «يغور الراجل اللي ورا»

«راكب اتوبيس راكب ميكروباص - راكب مترو وحتى التوك توك - دايمًا في الراجل اللي ورا - مهما تلف ومهما تدور - شرق غرب زي الحور - تنزل تطلع انسى يغور - الف واشوفه - واعرف وشه - اتنح حبه - وانسى المحبة - يمكن يتلم - ويحس شوية - وياخد دور - الراجل اللي ورا - كل شوية على كتفي يخبط - خير يا حبيبي - اجرة يا صاحبي - شوية واقول يمكن ينسى - يرجع يخبط - في كتفي وينحر - خير يا حبيبي - نزل زبون - شوية سكوت ويرجع يخبط - مهو يا تبطل يأما هثور - يقولي اهدى دة باقي الأجرة - يا فرفور - ارحم اهلي - دنت غريب – اجي يمين – ييجي ورايا – اجي شمال – ييجي ورايا – اجري واهرب – يجري ورايا – اقف استنى – يفضل واقف – وقبل منطق – يبدأ هوا – وينسى يسيبني - يرجع يخبط - وسع حبة - اة يا غتيت - في داهية غوووووور - وانزل تاني - واركب مترو - يرجع صاحبه - على كتفي يخبط - نازل يابني - لا مش نازل - طب من ع الباب - امشي وغور - ياخي بقى حرام - دنا كتفي اتكسر - ارحم اهلي - وامشي وغور».
وتحت مبدأ «خدني معاك لاولع ف نفسي»، وكما يقول المثل «ورا كل بني ادم بني ادم تاني ملهوش اي علاقة بالاولاني غير انه الراجل اللى ورا»، يظل «الراجل اللي ورا» -خانق ومطلع عين الراجل اللي قدام-، مش مصدق ؟!، هاتني مكانك، واكون انا «الراجل اللي ورا».
نهاية.. «لو فكرت تعمل برلمان.. فتأكد ان الراجل اللي ورا هيروح يعمل واحد قبلك ف تركيا».