شاعر مصري يعارض قصيدة «بشرة خير» ب«محدش راح»

كتب الشاعر محمد طلبة رضوان، قصيدة يعارض فيها "بشرة خير" الأغنية الشهيرة بصوت حسين الجسمي، وتأليف أيمن بهجت قمر . والقصيدة الجديدة هي لسان حال الانتخابات المصرية للرئاسة والتي تشهد عزوفا كبيرا وخاصة من الشباب المقاطعين.

دى فركة كعب وهتعملها
قصاد الدنيا دي بحالها
وخد بقى عهد تعدلها
نزلت كتير
***
قوم نادى على الصعيدى
وابن أخوك البورسعيدى
والشباب الاسكندرانى
راحوا فين بس الرجال

وأنا بسأل السوهاجى:
إيه .. جرى إيه .. مش قلت هاجي
والقناوى والسيناوى .. ولا هو كلام عيال؟

ماتوصيش السوايسه الدنيا فاضية كده كده
والاسماعلاوية لا هينتخبوا ده ولا ده
كلمنى ع الشراقوه ..
الناس الحلوة عايزين رقوه ..
بلد الكرما وأهل التقوى ..
بلد التغيير
بحيرى منوفى أو دمياطى
دول أقربلى من اخواتي
حلايب أهل وقرايب
محدش رااااح .....

شوارع فاضية ولذيذة
بتاخد تاكسي ببريزة
وهِو يابويا م الجيزة وللسواح

وقالوا العسكري صانها
وقالوا الثورجي خانها
وشعب بحاله من بنها
محدش رااااااح

قوم نادي ع الصعيدي
وابن أخوك البورسعيدي
والشباب الاسكندراني
راحوا فين بس الرجال