عيد ميلادك يا نجم

لكن انت فين ....
وحشتني و كل العيال الطيبين ..
المشتاقين لكلمة ودليل وسط عتمة الكدابين...
مرتاح عندك يا خويا ..وشفت الحقيقة ..
اللي ياما حيرت أفكارك الجريئة
ياما قلتلي أن عشمك في الخالق كبير
ماهو الكريم اللي سترها معاك كتير
قادر يحسب لك في الميزان توبة للرحمان
وشمعة عنيدة باديك نورتها وسط دهاليز السجون ..
كلمة حق ما بتخفش شقيت بيها بطن الغول
الظلم مات يا نجم .....لكن كلامك مامتش..
سقطت الأحكام ..ولسةالاحلام ما جتش
لساك معانا يا عم احمد تلعن أبو خاش الجبان
وحشتني حتى شقاوة لسانك عن النسوان
...كل سنة وانت طيب يا عمنا واستاذنا
البهية أصيلة ما بتنساش ...
وشايلة حلمك في النني بيوم لسة ماجاش
يموت الجدع..وحسه ما بيموت ..
وعهده في قلوبنا ما ننسى ولا يوم يفوت
الا ومواله جمرة في جوف الظلم
تدينا أمل نحقق يوم الحلم