" اْنا أسفة يا سى السيد "

لو سمحت متزعقشليش -
أنا مبزعقش، أنتِ عارفة إنك غلطانة وبرضو بتعاندى نفسك *
اْنا مش غلطانة .. انت اللى بتكبر الموضوع ع الفاضى. -
على الفاضى إيه أنتِ هتجننينى؟؟؟ *
- أيوه أنت عايزنى أقولك آسفة وأركع تحت رجلين سى السيد علشان غلطة هايفة اْناغلطان اْصلا إنى بتكلم معاكى *
هما كده يحبو اللى يقولهم حاضر حتى لو هما غلطانين لازم البنت تتنازل وتطلع نفسها غلطانة عشان خاطره
و عشان تكسيبه فى صفك، لازم تسمعيه وتصالحيه ، عشان متغنيش " ظلموه "
فإليك بعض النصائح عشان تصالحيه وتريحى دماغك :
"كبرى دماغك وخديه على قد عقله من الاْخر"
اه يعنى اسمعى من هنا وفوتى من الناحية التانية .
"اْديله الوقت علشان يصفا "
فمن الأفضل لكِ عدم مناقشة الموضوع وهوا مدايق وانتى مدايقة
لأن رد الفعل سيكون عنيفاً وشديداً ومش هيكون فى مصلحتك خالص وهتزودى الطين بلة،
بل أتركيه بعض الوقت لكما أنتما الاثنان، حتى تتخلصا من العصبية المحيطة بكما، لتناقشا الموضوع بدرجة منطقية أكثر،
ومن الأفضل أن تتركيه حتى يأتى هو ويطلب منك مناقشة موضوع الخلاف بينكما.
.
"كلمة الراجل فوق كلمتك"
كلمة قديمة اْوى بس هما لسه مصدقنها ، طبقيها فقط فى ذلك الموقف، وأعطيه الميكروفون "علشان يقول كل اللى عنده"، فهو اتخذ موقف " أنا أتكلم وأنتِ تسمعى"، وهذا لا يعيبه، فهذه طبيعة الرجالة،
انتى طبعا " اتفضل ...... حاضر " اْصل كلمة حاضر بتريح اْوى
وحاولى أن تحسى كلامه، فذلك سيجعله يشعر أنك فاهماه من أوله لآخره
.
"أنا آسفة" نعم قوليها قوليها وريحيه وريحى نفسك ياه اْصل الرجالة بيحبوها اْوى فأنتِ تحافظى على رجلك.. ألا يستحقك ذلك التنازل عن كرامتك بعض الشىء؟ معلش تعالى على نفسك وخليكى انتى الكبيرة المرادى ...
وقول "أنا آسفة مش هتتكرر تانى"، ولكن لا تجعلى كلمة الأسف هذه من الأشياء التى تضغطين بها عليه حتى "يصفا" من ناحيتك، ولكن قوليها فى فترات متباعدة، فقولها "كذا مرة" سيفقد من قيمتها، خصوصاً إذا كنتِ تكررى نفس المواقف التى تدايقه .