آه يا بلد ...........

آه يا بلد ناقصك ولد ويكون زعيم .. مصرى وحاسس بمصريته .. وشارب من النيل ومصر قضيته ..رغم عن اخوانا الحاكمين وكمان المعارضين .. مهو دول مش شعبيته .. ابنك وابوكى وولدك يام الدنيا .. ويورينا همته ويكون خيالك يا مصر .. ويخلصنا من الخايفين التايهين .. واللى فاكرين نفسهم معارضين وكل منهم معاه اجندته .. قومى يا مصر نادى على ولادك الثوار .. زى ما خلصوكى من مخلوع جبار قلبه كان كله حقد ومرار .. يتلموا تانى ويجبولك زعيم للثوار .. مهو الثوار فى البيت قاعدين .. بيتفرجوا على اللى حاكمين ومش عارفين .. وكمان معارضينهم اللى تايهين مهم لا شعبيه ولا فاهمين ..وشوية بلطجيه مستفيدين من جهل الحكام الخايبين ..وخيبة المعارضه اللى دايما رافضين .. ومفيش حد فيهم بيدور على مصلحة مصر ولا المصريين .. اصحى وفوق يا شعب وهاتلك زعيم .. زعيمك يا مصر موجود جوه كل مصرى حاسس بمصريته .. بس مش متفعلين .. ناقصكم جرعة شجاعه و شهامه ورجوله يا ولاد مصر ياصليين .. مهو ربنا ساترها لحد دلوقى .. حتفضلوا لأمتى خنين يا ناس يا طيبين .. قعدنا ثلاثون سنه نقول عايزين .. نقول عايزين زعيم لحد الشعب ما فاق .. وعمل ثوره ابهرت العالم بس من غير زعيم .. مين فيكم يا مصرين شارب من حوض النيل وينفع زعيم .. اه يا بلد ناقصك ولد .. ويكون ابن امه صحيح بن مصر المصرين .. لا هو زى صباحى الهيمان اللى عايش الدور .. ولا زى البرادعى اللى انسحب لما جه عليه الدور .. ولا زى مرسى اللى معندوش قرار ومستنى المرشد يؤمر ويقول .. ولا زى كل اللى رافضين ومش عارفين رافضين ايه .. خيالك يا مصر موجود زعيم ولا فى الوجود .. مصرى وحاسس بمصريته .. ثورى ودى شغلته .. ولا ينقصه غير همتك يا شعب ياصيل .. يا ترى يا شعب عرفتم هو مين .. ولا لسه جواكم دفين