الموت ينهال على رؤوس سكان بورسعيد: قناصة يستهدفون الرأس والقلب.. وضباط شرطة يدافعون عن القسم والداخلية "بايعاهم".. والجيش "بيتفرج"

من هؤلاء .. وأين الجيش والداخلية؟
بعث مواطن بورسعيدي برسالة استغاثة إلى جميع المصريين واختص مهم شباب أولتراس آهلاوي، أن رجال المدينة يتعرضون لعمليات قنص شرسة ومريبة ومجهولة المصدر في آن، مؤكدا أن القناصة يستهدفون الرأس والصدر بهدف الاغتيال فورا، وفيم يلي ننشر الرسالة التى تلقتها جريدة "مصر الجديدة"، كما تلقتها من المواطن البورسعيدي، أحمد مسعود:
يا رجالة ألتراس اهلاوى إحنا إخواتكم فى بورسعيد بنموت إقسم بالله بنموت واللى بيعدى الشارع بيضرب من قناصات منعرفش هى فين ومحدش فينا عارف أى حاجة و أكتر من 58 واحد ميت و أكتر من 400 مصاب حتى الآن وكل الاصابات طلق نارى أقسم بالله الناس بتقع قدام عنينا وضرب النار و لا أكننا فى سوريا و قناصة وفى الرأس والقلب.
وبنطالب مدينه الاسكندريه الثورجيه بالنزول الآن الى الشوارع تضامننا معانا
إحنا عاوزينكوا تقفوا جنبنا لأن إنتوا ما ترضوش إن إخواتكم يحصلهم كدا
رسالة أخري تفيض ألما وتعتصر شعورا بالوطنية والمسئولية، من جانب نقيب شرطة بسجن بورسعيد العمومي، وقد فضل النقيب "شريف" عدم ذكر اسمه كاملا وتحتفظ به "مصر الجديدة"، وننشر رسالته بالنص كما كتبها بخط يده:
احنا بقلنا 3 ايام بدون اكل وشرب و قيادتنا بايعانا .. نعمل ايه دلوقتى ؟!
نقف نحمى القسم و نمنع الناس تهرب المساجين و نتحاكم ..
ولا نسيبهم يهربوهم ونتحاكم بردو !!
زميلنا الى اتقتل الطب الشرعى اثبت انه اتقتل بسلاح قناصة و الجيش واقف على مداخل البلد فقط !!
السؤال: هل سيبقي الجيش "بيتفرج" على دماء المصريين وهي تسيل؟
وسؤال آخر: إلى أي حد بالظبط يريد قيادات المؤسسة العسكرية لدماء المصريين أن تبلغ... إلى الركب أم لما هو أعلي من ذلك؟؟؟

http://www.youtube.com/watch?v=YM4c86KPN3c
Chat Conversation End