الأولتراس المصري لأولتراس الأهلاوي: "إلحقونا بنموت"

استغاث أولتراس المصري "الجرين ايجيلز" بأولتراس أهلاوي وبقية الأندية للوقوف بجانبهم فيما يحدث بالمحافظة.
وقال الأولتراس المصري ببورسعيد على صفحتهم الرسمية بموقع التواصل الاجتماعي "فيسبوك" "يا رجالة أولتراس أهلاوي إحنا إخواتكم في بورسعيد بنموت أقسم بالله بنموت واللي بيعدى الشارع بيتضرب من قناصات منعرفش هي فين ومحدش فينا عارف أى حاجة و أكتر من 58 واحد ميت و أكتر من 400 مصاب حتى الآن وكل الإصابات طلق ناري أقسم بالله الناس بتقع قدام عنينا و ضرب النار و لا كأننا فى سوريا و قناصة و فى الرأس و القلب".
وتابعوا قائلين: "إحنا عاوزنكوا تقفوا جنبنا لأن إنتوا ما ترضوش إن إخواتكم يحصلهم كدا فى إغتيال لشعب بورسعيد".
وطالبت إدارة الصفحة من أولتراس أهلاوي والمصريين الحقيقين تجاهل أي خلافات في هذه الظروف العصيبة، قائلين " ليس لنا أي يد في موت ولادكم واللي حصل معاكم حصل معانا ده مخطط الحقونا بنموت".
وأضافوا قائلين "والله مالينا ذنب في المجزرة وال 74 شهيد واحنا كنا بنساعد ناس كتير ونفس الطريقة في كسر الرقبة نفس الطريقه اللي معظمنا بيتكسر رقبته بيها وعلينا بالإتحاد لمواجهة ما تمر به مصر من أسوء وأقذر مخطط تواجهه على يد بعض من أبنائها الضالين وحلفائهم الخونة ممن وقفنا بجوارهم في يوم من الأيام".