هدى الإتربي: "فرحانة بلقب قنبلة الجيل.. وممكن أبقى سيدة الشاشة في زمني"

حلت الفنانة هدى الإتربي ضيفة ببرنامج مع الإعلامية بسمة وهبة مقدمة برنامج "العرافة"، على قناتي النهار والمحور.
وقالت هدى الإتربي، إن التريند أصبح من الأشياء المؤثرة في صناعة الممثلين، متابعة: "أنا شايفة التريند ده ليه علاقة بالناس قاعدة مستنية حاجة وانتي بتديهالهم، هما قاعدين مستنين حاجة تحمسهم تخليهم يبقى عندهم فضول أكتر"، وأحنا بقينا عايشين في زمن التريند".
وأضافت:"أنا النهاردة محطوطة في تريند عشان الناس بتدخل تكتب هدى الاتربي قنبلة الجيل، ده لقب زي ما اتقال على مارلين مونرو الشرق، والسندريلا، وسيدة الشاشة، ده اللقب يختاروه الناس، أنا مش شايفة نفسي سيدة الشاشة ولا السندريلا مفيش حد بياخد لقب التاني".
وتابعت: "أنا ممكن أبقى سيدة الشاشة في زمني، النهاردة المصطلحات اللي كانوا بيستخدموها وقت الأبيض والأسود غير مصطلحات دلوقتي، وانا فرحانة بلقب قنبلة الجيل".
هذا الجيل من الفنانات لا فرصة حقيقية لهن لجعلهن يحصلن على ألقاب مثل السندريلا وسيدة الشاشة، مرادفة: "إحنا مظلومين جدا، ودلوقتي بقت فكرة الفن لا تقوم على خلق عمل فني يعيش مع الناس، ولكن مع فكرة خلق التريند أو ظاهرة أو فرقعة وخلاص".
وأوضحت التمثيل ليس مسئولية الممثل بمفرده، ولكن هناك المخرج، وفريق العمل بالكامل، مضيفة: "مسلسل العتاولة، عملت مع المخرج أحمد خالد موسى، وأنا مسئولة عن مذاكرتي وفهمي وأدائي للدور، والباقي كله بتاع المخرج وبتوجيه منه، وأقول إننا كفنانات لم نعد الأداة المهمة في يد المخرج، وأقول إن هذا الجيل من الفنانات سيء الحظ لأنه اتخلق مع مخرجين بيصنع محتوى مش ممثل".
وتشارك هدى الإتربي في مسلسل "العتاولة 2" رمضان 2025، بطولة أحمد السقا، طارق لطفي، باسم سمرة، زينة، فيفي عبده، نسرين أمين، مصطفى أبو سريع، ثراء جبيل، مريم الجندي، أحمد كشك، مي القاضي، زينب العبد، أمير صلاح الدين، ومن تأليف مصطفى جمال هاشم، وإخراج أحمد خالد موسى.
اقرأ أيضا..
"قنبلة الجيل في العتاولة 2".. 25 صورة ومعلومة عن هدى الإتربي بعد تصدرها التريند
هدى الإتربي: "إحنا جيلنا من الفنانات مظلوم جدًا"
هدى الإتربي: "أنا مش نجمة إغراء ولسه عندي فن كتير ماقدمتوش"