أحمد موسى عن سارة سمير: تجربتها مشابهة لتجربة كرم جبر في التحديات والصعاب

هنأ الإعلامي أحمد موسى، الرباعة سارة سمير بعد فوزها بالميدالية الفضية في رفع الأثقال وزن 81 كيلو بأولمبياد باريس 2024.
وأضاف "موسى"، خلال تقديم برنامج "على مسئوليتي"، على قناة "صدى البلد"، اليوم السبت، قائلًا: "كان عندنا أمل أننا نحقق ميداليات في عدة ألعاب وقدر الله ما شاء فعل، ولكن مبروك لسارة سمير شكرًا ليكي، دي بنت مصر البطلة، اتكلموا عن سارة واكتبوا عنها، سارة هي من تستحق التحية، سارة تجاوزت كل التحديات".
وتابع: "سارة بتعيط النهاردة علشان خسرت الذهبية، عينها على هدف عاوزه توصل ليه ونجحت في الفوز بالميدالية الفضية ورفعت علم مصر في أولمبياد، مبروك يا سارة، عندك فرصة تحققي الذهب في أولمبياد لوس أنجلوس، تجربة سارة مشابهة لتجربة كرم جبر في التحديات والصعاب اللي واجهتهم ورغم ذلك رفعوا علم مصر في الأولمبياد".
وأكمل: "كفاية طبطبة وكل الاتحادات اللي فشلت في تحقيق الفوز وحصد الميداليات لازم تتحاسب، كفاية ونشوف اللي عاوز ينجح ونساعده".