"خليتوها خل".. عمرو أديب يهاجم منتقدي أحمد حلمي بسبب فيلم النونو

علق الإعلامي عمرو أديب، على أزمة الفنان أحمد حلمي، التي حدثت بسبب إعلان دوره في فيلم "النونو"، والذي يؤدي فيه دور "نصاب".
وقال عمرو أديب، عبر حسابه على "x": الدنيا تبان إنها مقلوبة لكن هي مي مقلوبة واللي قلبها اللجان المدسوسة اللي شغالة على الموضوع ده مدعين أنها تمس سمعة مصر.
وأضاف عمرو أديب: إحنا عارفين إن ده مدبر وفي ناس ولاد حلال عايزين يقفوا جنب البلد.. هوا مش أحمد حلي ده ابنكوا؟ ومصري وموجود من زمان وعمل مليون فيلم وأنتو عارفينه كويس؟.
وتالابع: أحمد حلمي مش هوا اللي عمل فيلم عسل أسود اللي كان فيه بره مصر ونزل لقى البلد منيلة بستين نيلة، فيه ناس بتحب تعوم في الميه العكرة، وعايزة الدنيا تتوتر مهما هديت.
وواصل: دور النصاب في الفن المصري والسينما المصرية موجود، وجوه الفيلم فيه نصاب سعودي، إحنا بنتكلم في حاجة النائب العام بيحقق مع 16 شركة بالنصب على المصريين.. الفن فيه كل حاجة ودوره يبين الناس الطيبين والنصابين.
وطالب عمرو أديب، الجمهور بعدم التسرع في الحكم على العمل، قائلًا: كفاية خليتوها خل ارحمونا شوية.
فى الرد على الناس اللى غاويه تعوم فى الميه العكره ، ودفاع واجب عن فنان محترم اسمه احمد حلمى pic.twitter.com/msAykL8zO9
— Amr Adib (@Amradib) July 18, 2024