"كهربا" يوجه الشكر للمهندس نجيب ساويرس لهذا السبب

حل لاعب النادي الأهلي محمود عبد المنعم "كهربا" ضيفا ببرنامج "أسرار" تقديم الإعلامية أميرة بدر ويعرض على قناة "النهار".
وتطرق "كهربا" في حديثه عن تفاصيل دفع الغرامة للنادي الزمالك، وعن العديد من الشخصيات العامة ورجال الأعمال الذين ساندوه في محنته وقاموا بمساعدته، وعن كواليس انضمامه لصفوف النادي الأهلي إلى جانب علاقته بنجوم الرياضة والفن والإعلام.
وعن دفع الغرامة لنادي الزمالك، قال كهربا: "موضوع الغرامة ده كنت هطوله شوية كان ممكن يقعد سنتين تاني وألعب بس كابتن حسين لبيب رئيس نادي الزمالك شخصية محترمة وجميلة، وقربنا المسافات واتكلمت معاهم وسددت في الوقت اللي ربنا عايزني أسدد فيه عشان كده لما قلت أن ربنا نصرني في الموضوع ده، لأنها كانت هتزيد بعدها حوالي 50 مليون وأنا سبقت بدفع الغرامة لأني كنت عارف أن الدولار هيعلى وقلت أنا اشتري وارتاح من موضوع الغرامة ده لان بقاله 5 سنين ومكنتش هدفع أصلا وكنت هكمل كورة وكان الموضوع هيطول شوية في المحكمة وبعديها كنت هعتزل".
واستكمل: "عملت كده عشان الموضوع أنا مظلوم فيه والموضوع مكنش حق وحد ليه عندي فلوس وأيوة فيه رجال أعمال ساعدوني في دفع الغرامة بس الفكرة أن الناس كلها بتحب النادي الأهلي أوي والناس بتحب كهربا أوي عشان أنا إنسان على طبيعتي جدًا وبحب الخير لكل الناس وبجبر بخاطر الناس كلها ودايمًا مبسوط حتى لو عندي هموم الدنيا والآخرة مرتاح وراضي على طول".
وعن مساعدة المهندس نجيب ساويرس له في دفع الغرامة، أضاف: "ده حبيبي وشخصية كبيرة جدًا وبشكره جدًا أنه ساعدني ومش هقول ساعدني في إيه دي حاجة بينا وبين بعض ومش لازم الناس كلها تعرف كل حاجة لأن فيه تفاصيل وأسرار مينفعش تتحكي، وأنا اللي دفعت تقريبًا معظم الغرامة حول 70 أو 80% وربنا هيجيب لي فلوسي تاني وأنا من طبعي نزيه والفلوس مبتفرقش معايا والغرامة كلها كانت 76 مليون، وحوار الغرامة ده اتدفع خلاص خلص والموضوع ده اتقفل".
اقرأ أيضا:
سرقة باقي الذهب من "نصرة" و"دينا" مفاجأة الحلقة 13 من "سر إلهي"
بالصور..انهيار رانيا فريد شوقي في عزاء والدتها بحضور نجوم الفن