استضاف برنامج "Big Time Podcast" تقديم الإعلامي عمرو أديب ويعرض علي قناة "Mbc 1" الفنانة اللبنانية نانسي عجرم وتطرقت للعديد من الموضوعات منها الفنية والشخصية، إلى جانب حديثها عن بناتها، وعن بلوغها سن الأربعين، كما تحدثت عن وزنها الحقيقي، وعن علاقتها بالوسط الفني والغنائي، وكشفت عن رأيها في ضرب الرجل للمرأة، وتحدثت عن سرقة فيلتها خلال الفترة الماضية وما تعرضت له عائلتها. وبسؤالها من قبل "عمرو أديب" عن وزنها قالت: "حوالي 50 كيلو، كيلو بالناقص أو كيلو بالزائد، أنا بحب الأكل وباكل باكل فول مدمس بيض عيش باكل علي قد ال 50 وبنتبه بعمل رياضة والاكل لذة من ملذات الحياة وأكيد بحب أعيشها وبحب أدوق من كل حاجة، بحب الطبخ بحب ملذات الحياة وأوقات بتعشي وأوقات لأ ولما بخرج بتعشي وبطلب من المنيو وباكل باستا واستكملت: "أنا بس يمكن موضوع السكر والحلويات مبجيش جمبها ومابكلش كتير حلويات وباكل الحوادق أكتر والحلويات بغنيها بس، وباكل كنافة بالسنة مرة". أما عن رأيها في ضرب المرأة: "لأ مش مقبول ومش مسموح أبدًا وانا بحب المرأة اللي عندها أنوثة لكن مش المرأة الضعيفة وفيه فرق كبير، المراة قوية بأنوثتها ولازم تقدر تاخد حقها ولازم يبقي حقوق في الحياة عندها وجود عندها مناصب عالية بس طبعًا المرأة الضعيفة مبحبهاش والأنوثة مش ضعف بالعكس بتقوي المرأة أكتر وبتخليها ليها وجود بالمجتمع أكتر وبالأخص لو عندها أنوثة ومثقفة ومتعلمة وقوية، ولو واحدة صاحبتي جات لي وقالت لي جوزي ضربني هبقي حاسة بالاشمئزاز وهقولها ازاي قبلتي علي نفسك كده والراجل اللي بيمد ايده علي امراة هو راجل ضعيف بالنسبة لي ومعندوش ثقة في نفسه". وتحدثت عن بناتها قائلة: " نانسي عجرم تتحدث عن بناتها: "طبعًا كان نفسي أعيش تجربة أني أبقي أم لولد لكن ربنا ماكتبليش يبقي عندي ولد وبناتي بحس انهم تلات قلوب ماشيين حواليا ومبسوطة بالبي انا فيه وعندي فرحة ومبسوطة بيهم قد الدنيا، وبقول يمكن كنت احب يبقي عندي ولد، ومش عاوز اجيب طفل رابع بغض النظر ولد أو بنت عشان خايفة أن مايكونش عندي الوقت والطاقة للاهتمام بيه زي ما أنا مهتمة ببناتي". كما تطرقت لمرور عائلتها بالعديد من الأحداث المؤسفة منها سرقة فيلتها قائلة: ""الله يبعد الحسد واحنا عايشين حياة طبيعية واللي بيفرق بس اني حد مشهور بالعائلة وحياتي تحت الأضواء دايمًا وكل اللي بنعمله بيبقي باين للناس واحنا عايشين حياة عادية زي كل الناس وانا عاوزة عيلتي تعيش حياة طبيعية ويخرجوا مع أصحابهم ويروحوا أعياد ميلاد وبناتي معندهم حسابات علي السوشيال ميديا وهم من نفسهم مش عاوزين يبقوا تحت الأضواء لكن انا مابنعمهش من حاجة، والعيون عليهم أكيد أكتر من غيرهم بس دي حاجة طبيعية لأني حد مشهور وحياتي مع وقدام كل الناس واستكملت: "تواصلت مع إخصائية نفسية للأطفال واتكلمت معاها عن بناتي لان هم عاشوا لحظات كانت كابوس بالنسبة لهم وسألت وخوفت الموضوع ده يأثر عليهم في المدرسة أو بحياتهم ويفتكروه دايمًا وكنت بقول للأخصائية هل تحبي تشوفيهم؟، هل تحبي تقولي لي وانا اتكلم معاهم، وكانوا بيتعرضوا لتنمر وكلام كتير بس الحمد لله قدرت شوية شوية اطلعهم منها". كما تحدثت عن بلوغها سن الأربعين: "كل السنين اللي قبل الاربعين بتبقي تحضير لمرحلة الأربعين وما فوق لأنه بالنسبة لي انا بحب تفكيري وبحب تطلعاتي للأشياء من قبل كده وبشوفها وبعيشها بطريقة أحسن". اقرأ أيضا: "أزمة باميلا كيك ونادين نجيم" بسبب عمليات التجميل في برنامج رامز جاب من الأخر
