رضا عبد العال: "فتوح ماضي في الأهلي وهذا رأيي في الفرق بينه وبين معلول"

قال رضا عبد العال، لاعب الأهلي والزمالك السابق عن تصرف أحمد فتوح: "اللي كرره في نادي الزمالك يكرره في النادي الأهلي، فتوح ماضي في الأهلي وأنا بقول ماضي وميعملش الكلام ده إلا لما يكون قلبه جامد وقلبه ميت".
أضاف: "إن هو يروح المعسكر ويمشي هو كده اللي بيزهق الناس سواء مجلس الإدارة أو جماهير الزمالك، أنا بقول هو ميعملش حاجة زي كده إلا لما يكون ماشي وحاطط رجل على رجل كمان".
تابع: "هو كلاعب كرة كويس لكنه مش هيبقى زي علي معلول، معلول خطورته في التلت الأخير هو خطورته في التلت اللي ورا قد علي معلول 100 مرة، في التلت اللي قدام علي معلول قده مليون مرة، فتوح في الدفاع أحسن من معلول، هيبقى كويس مع الأهلي لكن مش هيبقى في قوة علي معلول في الحتة الهجومية".
واصل: "الأهلي مطالب يكسب ولما بيكسب معلول بيكون أهم مفاتيح لعب عنده، لما تجيب أحمد فتوح هيكون في الخط الخلفي هايل وهينفذ كل المطلوب منه، لكن لا بيعرف يعمل كروس زي علي ولا بيعرف يجيب جول زي علي ولا بيعرف يعمل أسيست زي علي".
اختتم رضا عبد العال: "الحتة الهجومية هتعتبر ماتت بوجود فتوح مش هيبقى بقوة علي معلول".