بالفيديو.. أسامة قابيل: كل يوم ممكن تعمل حج وعمرة لو فعلت هذا الأمر

قال الدكتور أسامة قابيل، من علماء الأزهر الشريف، إن هذه الأيام المباركة يجب أن نتقرب فيها إلى الله سبحانه وتعالى، لافتا إلى أن أفضل الأعمال الآن التكبير والتهليل والتحميد إلى الله سبحانه وتعالى.
وأضاف قابيل، خلال حواره ببرنامج "من القلب للقلب"، المذاع على فضائية "mbc masr2": فالتلبية للحجاج والتكبير لغير الحجاج، ذبح الهدى للحجاج، والأضحية لغير الحجاج.
وأوضح: الأيام دي يعني بتخلي الإنسان يعيش في جو جميل إن ربنا سبحانه وتعالى بيحبنا، والحب ده لازم نبادله بحب، عشان ربنا سبحانه وتعالى بيحبنا فاحنا لازم نتقرب إلى الله تبارك وتعالى، ونحاول كل واحد في أول يوم كده من الأيام الجميلة دي يجهز الخطة للعمل الصالح، فإن الذين لم يحجون سيذبحوا الأضحية، شوفوا من رحمة ربنا، وإذا كان الحجاج هيقفوا على عرفات ولم يصوموا فإن الذين لم يحجون، يصوموا يوم عرفة اللي هو إن شاء الله يبقى يوم الثلاثاء القادم.
وقال قابيل طيب خلينا ندخل بقى كده على الأيام الجميلة دي، احنا هنعمل ايه في الايام دي؟ الايام دي بتعمل لنا كده تذكرة دايما إن ربنا سبحانه وتعالى بيكرمنا وبيسعدنا وبيفرحنا، من شهرين ودعنا شهر رمضان، فربنا بيقول حاجة اسمها التمام وحاجة اسمها حسن الختام، التمام ربنا بيتم علينا النعمة وربنا سبحانه وتعالى بيختم لنا السنة بركن عظيم من أركان الإسلام وهو الحج إلى بيت الله الحرام (ولله على الناس حج البيت من استطاع إليه سبيلا)".
وواصل حديثه: في حد يقول ده أنا قلبي متعلق بالكعبة، حتى لو رحت أو ما رحتش، أنا قلبي متعلق بمقام إبراهيم، أنا قلبي متعلق بالشرب من ماء زمزم، أنا قلبي متعلق بالسعي بين الصفا والمروة، أنا قلبي متعلق بالوقوف على عرفات قلبي متعلق من نفرة من عرفات الى مزدلفة، هقول له سيدنا النبي بيحبك، كل يوم الفجر بيدي تأشيرة حج وعمرة لكل واحد نفسه يروح ومش قادر، سيدنا النبي بيقول (من صلى الفجر في جماعة كل يوم صباحا لو صليت الفجر في جماعة، وجلس في مصلاه يعني يصلي الفجر في جماعة سواء في البيت أو المسجد، ويقعد في المكان اللي هو صلى فيه على سجادة الصلاة أو في المنطقة اللي هو بيصلي فيها في المسجد يذكر الله او يقرأ القرآن أو يسبح او يحمد، او يهلل أو قاعد في الجامع حتى في أي شيء في سكون كده وطمأنينة حتى تشرق الشمس لحد ما الشمس تطلع ثم يصلي لله تبارك وتعالى ركعتين شوف بقى الجمال والهدية تأشيرة حج وعمرة كل يوم الصبح، الا كتب الله له أجر حج وعمرة تامة.
اقرأ ايضًا
أيهما أفضل عند الله.. العشر الأوائل من ذي الحجة أم العشر الأواخر من رمضان؟
يشتمل على أفضل الأيام.. 3 فضائل لشهر ذي الحجة المبارك يوضحها الأزهر للفتوى
داعية: عن صيام التطوع لا يشترط فيه تبييت النية
6 دول تخالف السعودية في وقفة عرفة والعيد.. ماذا يقول الشرع؟
الأعمال المستحبة في العشر الأوائل من ذي الحجة.. احرص عليها
في مشهد مهيب.. شاهد امتلاء ساحات المسجد الحرام بالحجاج والمصلين
بالفيديو.. أمين الفتوى: هذه الطريقة الصحيحة للسعى بين الصفا والمروة
ازاي تزود رزقك.. داعية إسلامي يوضح 4 خطوات لها
راحة وروحانية.. تعرف على أحدث برامج المسجد النبوي للتواصل مع الزائرين والمصلين
في غرة ذي الحجة.. 6 أعمال صالحة في العشر الأوائل ينصح بها الأزهر للفتوى
عالم أزهري يعلق على تصرف من حجاج أمام الكعبة أثناء الطواف: أمر غريب