شيرين عبدالوهاب بعد سقوطها على المسرح في حفل دبي: هرفع قضية تعويض

أحيت الفنانة شيرين عبدالوهاب، مساء أمس الجمعة، حفلا غنائيا في دبي وسط حضور جماهيري كبير.
وتعرضت شيرين، خلال الحفل لموقف محرج، حيث سقطت على الأرض أثناء غنائها على المسرح، وسرعان ما نهضت مرة أخرى.
وبررت شيرين، وقوعها لسببين الأول لفستانها والثاني منظمي الحفل، قائلة: "تعبت والله الفستان طلع طويل شوية مش عارفة أتصرف ونسيت أقصره" ، "كل فنان حصل معاه الموقف ده قبل كده بسبب السبيكرات اللي المفروض تكون مدفونة لكن المنظمين ما بيتعلموش.. والسوشيال ميديا هتسيب كل حاجة وتكتب شيرين وقعت".
وأضافت شيرين ك رد فعل لها عقب سقوطها على المسرح: "أنا هرفع قضية علشان اللي بيحصل للفنان ده قلة ذوق والله العظيم حرام، شوفوا اللي صار مع عبدالله الرويشد قبل كدة.. أنا ليا تصرف تاني وشيرين رجعت تاني".
وتابعت: "شوفوا رجلي ازرقت إزاي.. اللي بيحصل قلة ذوق وأنا هرفع قضية وأطالب بتعويض كبير ..خلينا نأمن مستقبل العيال".