شيرين رضا: "كله بيجري من وشي التاني.. والراجل مش مسموح له يغيرني"

حلت الفنانة شيرين رضا، ضيفة على برنامج "أنا والقناع" والذي تقدمه الإعلامية منى عبد الوهاب، على فضائية "الحياة"، مساء الاثنين.
وردت "شيرين" على سؤال الإعلامية منى عبد الوهاب: "في ارتباطاتك السابقة ايه اللي كان بيعجب الراجل فيكي وايه كان بيخوفه؟"، لترد ضاحكة: "اعتقد لازم تسأليهم هما، بيعجبهم فيا إني بحب الضحك والهزار ومبحبش النكد خالص وبحب الحياة"، لتقاطعها منى عبد الوهاب: "بيحبوا الفراشة اللي ألوانها زاهية وحلوة، طب مبيحبوش ايه؟"، لترد شيرين: "لما بيشوفوا الوش التاني مني، مع أنه مبيطلعش كتير".
وتابعت "شيرين" في حوارها لبرنامج "أنا والقناع" على فضائية "الحياة": "الوش التاني لما بيطلع كله بياخد ديله في سنانه وكله بيجري"، موضحة: "لو الراجل حبني زي منا يبقى ليه عايز يغير فيا، هو قابلني وحبني كده ليه عايز يغيرني، لأني لما أتغير مش هبقى البني آدمه اللي حبها".
ووجهت الإعلامية منى عبد الوهاب سؤالًا لشيرين رضا، قائلة: "الراجل الشرقي لما بيحب بيحب يغير"، لترد شيرين: "اعتقد اه عشان يثبت وجوده، ومش مسموح له ولا حاجه كفاية إنه حبني وانا حبيته، هو مسموح له كل حاجه في الدنيا إنما مش مسموح له يغيرني".
يذكر أن برنامج "أنا والقناع" هو برنامج رمضاني تقدمه الإعلامية منى عبدالوهاب ويُعرض على قناتي الحياة وcbc ضمن خريطة الشركة المُتحدة للخدمات الإعلامية وإنتاج شركة DS+، ويستضيف عدد من الفنانين، مثل النجمة يسرا والنجمة غادة عادل والنجمة نيللي كريم والنجم شريف منير وشيماء سيف والنجم الكبير محيي إسماعيل وبيومي فؤاد وريهام عبد الغفور.