"مشيت ورا هند رستم ومبقتش أم عشان أتفرغ لفني".. تصريحات نبيلة عبيد

تصدرت الفنانة نبيلة عبيد، ترند محرك البحث على موقع "جوجل" بعد تصريحاتها في الندوة المقامة على هامش تكريمها في مهرجان أسوان لأفلام المرأة.
"مصراوي" يستعرض أبرز تصريحات نبيلة عبيد:
- من صغري بعشق السينما وودني كانت متعودة على موسيقى أم كلثوم.
- من حبي في السينما كنت بمشي ورا هند رستم في الشارع وادخل وراها المحل وأمسك فستانها هي دي الست اللي بشوفها في السينما.
- اتضربت عشان المذاكرة، وبعدها اكتشفني عاطف سالم إداني دور صغير في فيلم مفيش تفاهم، وبعدين حلمي رفلة قدمني في رابعة العدوية.
- حصلي حاجات كتير في الأفلام هتفيد الأجيال الحالية ويشوف مدى صبري وتحملي وحرماني.
- أنا مباكلش لحد دلوقتي عشان أنا بعمل نبيلة عبيد تبقى بالشكل ده.
- أساتذة كبار اهتموا بتعليمي.. علموني اللغة العربية.
- بحرم نفسي من حاجات كتير حتى إني مبقتش أم عشان أبقى متفرغة لفني، وعمري ما اعمل أي حاجة مش عايزها المخرج.
- "لكل فيلم قصة ورا الكواليس.. أنا كنت نبيلة عبيد الانسانة شغالة عند نبيلة عبيد الفنانة كنت حريصة على تكوين فنانة بشكل معين".
يذكر أن إدارة مهرجان أسوان السينمائي لأفلام المرأة، كرمت نجمة مصر الأولى نبيلة عبيد في حفل افتتاح الدورة السابعة لأفلام المرأة.
وقدمت بشرى الفنانة الكبيرة وقالت: "اتعلمت من نبيلة عبيد كتير؛ وأول عمل ليا كان معاها وقالت لي جمهورك على راسك من فوق".
اقرأ أيضاً:
نجمة فيلم "Halloween" ترفض دعوة الأوسكار لهذا السبب
"خاص" متحدث الموسيقيين يكشف الموقف من مشاركة مسلم في حفل بالإسكندرية