الرئيس السيسي: تطوير قطاع النقل تكلف 2 تريليون جنيه

قال الرئيس عبدالفتاح السيسي، إن تطوير قطاع النقل تكلف 2 تريليون جنيه خلال السنوات الأخيرة، لدعم مسيرة التنمية.
جاء ذلك في كلمته خلال جلسة حوارية ضمن فعاليات القمة العالمية للحكومات بإمارة دبي، اليوم الاثنين.
وأضاف: "ده معناه إن فيه قطاع مؤهل يشتغل عشان يخدم المصريين والمستثمرين، الكلام ده ينطبق على تحديات أخرى كثيرة، دي قطاعات كان لازم نشتغل عليها في سياق ونسق واحد، مكنش فيه أولويات، كل دولة المفروض مسئوليها أدرى بثقافة شعبها، وبالتالي يضع الحلول التي تناسبه، لكل بلد خصوصية، وده طبيعي".
وتابع الرئيس السيسي: "التحديات اللي كانت موجودة، على سبيل المثال جودة التعليم، عندي 25 مليون في التعليم الأساسي و4 مليون في الجامعة وبيتخرج 700 ألف كل سنة، بقينا بعد 10 سنين 105 مليون يعني زدنا 25 مليون واحد، الحكومة كافحت على أد ما تقدر، طب تفتكر عشان أحل جودة التعليم عايز 250 مليار، طب أنا معنديش الرقم دي ومينفعش ملتزمش".
واستكمل: "قدرات الدولة المصرية بمنتهى الصراحة، دولة زي مصر عايزة تريليون دولار تصرفها كل سنة، ما يقرب من 20 تريليون جنيه، طب هل المبلغ أو نصه أو ربعه متاح، لأ، مش متاح، إذا الحكومات اللي بتتعامل بتبقى عايزة تحل، تقديري الحل بالمبادرات والأفكار، اللي ظروفه صعبة يفكر، تجربة مصر أنا بقولهالكم، إحنا عايشين على شريط ضيق من أسوان للإسكندرية من 150 سنة، الشريط الموازي للنيل، كان مناسب وقت محمد علي، مبقاش مناسب لما بقينا 80 مليون واحد، ده عمل تحدي في العشوائيات والتخطيط العمراني، اه عمل".