"قالي بص في الأرض لغاية ما نوصل".. أشرف عبدالباقي يروي موقفا جمعه بالراحل علاء ولي الدين

أحيا الفنان أشرف عبدالباقي ذكرى رحيل صديقه الراحل علاء ولي الدين ال 20، التي توافق اليوم 11 فبراير.
ونشر عبدالباقي صورة علاء، عبر حسابه الرسمي بموقع "إنستجرام"، وعلق: "ربنا يرحمك يا علاء، زي النهاردة من عشرين سنة أتوفى علاء، ربنا يرحمه ويغفرله يا رب وبرغم إن فات عشرين سنة على وفاته لكنه كان ومازال أقرب صديق ليا".
وروى أشرف موقفا جمعه بالراحل علاء ولي الدين: "أول مرة أطلع عمرة كان معاه واحنا رايحين الكعبة قاللي بص في الارض لغاية ما نوصل والكعبة تبقى باينة وأقول لك بص وادعي".
وأضاف أشرف: "ويمكن الحكاية دي بقيت أعملها مع أي حد يعمل عمرة لأول مرة وادعي لعلاء".
وتابع "في حياته كنت بشوف الخير اللي بيعمله مع ناس كتير واتعلم منه بشكل مباشر وغير مباشر".
وأردف أشرف: "علاقتنا كانت أكتر من إخوات ومن خلاله كنت بشوف باقي أصحابنا لأنه كان كريم جدا ومضياف جدا وفي بيته كنت بحس إني في بيتي وإن والدته الله يرحمها زي والدتي اللي توفيت وأنا في سن صغير وخالد اخوه الله يرحمه ومعتز ربنا يكرمه ويخليه لأولاده زي إخواتي وقت ما كنت احس إني متضايق اروحله اتكلم معاه وارتاح، ماكانش يعدي يوم الا لما نتقابل أو نتكلم في التليفون نعرف أخبار بعض".
وأكمل: "وصادف إن يوم وفاته كان أول يوم عيد الأضحى وبعد ما وقف على الاضحية أتوفى وكنا على ميعاد يومها في المسرح لعرض مسرحية لما بابا ينام اللي انتهت بوفاته".
واختتم أشرف حديث: "ربنا يرحمك يا علاء ويصبر أهلك وأصحابك اللي أكيد مادام عرفوك عمرهم ماهينسوك".
يذكر أن أثناء تصوير فيلم "عربي تعريفة" رحل الفنان الكوميدي علاء ولي الدين في 11 فبراير 2003، إثر إصابته بغيبوبة سكر وارتفاع في ضغط الدم.
View this post on Instagram
A post shared by Ashraf Abdel Baky (@ashrafabdilbaky)
أقرأ أيضا:
بعد طرحه بالسعودية.. دور العرض المصرية تستقبل "الهامور ح.ع"