مي سليم: "متأثرتش بتجاربي السابقة في الزواج وعايزة أتجوز تاني وأخلف ولد"

قالت الفنانة دانا حمدان، إنها من الصعب أن تحب وذلك مقارنة بشقيقتها ميس حمدان، مرادفة: "محبتش والناس بتسألني ليه مش بحب؟، وإجابتي أني مش بحب ولا حبيت فأنا إنسانه برجي الميزان الذي يحكم مواليده أكثر من العواطف".
وأضافت "حمدان"، في لقائها مع شقيقتها ميس حمدان ومي سليم، ببرنامج "كلمة أخيرة"، المذاع عبر فضائية "أون إي"، اليوم الثلاثاء، قائلة: "مفيش شخص قابلته وصلني لمرحلة الحب ممكن يبقى فيه تعود وإنبساط وكميا، ولم أقابل من يوصلني لحالة أن أقول له بحبك".
ومن جانبها أوضحت الفنانة ميس حمدان، قائلة: "أنا حبيت زي اي بنت ولبست في الحيط وحبيت مرتين لكني مؤمنة أن ده الشيء الوحيد اللي مالوش تخطيط وممكن اللي حبتهم قبل كده ورجعوا دلوقتي مايبقوش ماشيين مع متطلباتي، لكن زي اي بنت مريت بتجارب حلوة ووحشة".
وعقبت مي سليم قائلة، "كل واحدة فينا دماغها صعبة ودماغنا عنيدة وبشكلها وبطبعها وامي تعبت معانا في حكاية الزن على الزواج وإحنا كنا أربعة واختي داليا تزوجت في دبي، لكن أمي تعبت معانا وفي الاخر رمت طوبتنا".
وأكملت: "التجربتين السابقتين مش مأثرين عليا ومش قافلة باب الزواج بالعكس عايزة أتجوز وأخلف تاني وليلي دلوقتي عندها عندها 11 سنة ونفسي يبقى عندي ولد"، لكنها أكدت أنها تعلمت من التجربتين، وتكون مستعدة في خطوات إرتباطها القادمة، لضمان استمرارية العلاقة الزوجية.
مي سليم: نفسي أحب تاني، وأخلف تاني.. وهذا ما تعلمته في قصص حبي السابقة#كلمة_أخيرة@lameesh@MaiSelim pic.twitter.com/XqmdOW3Aru
— كلمة أخيرة مع لميس الحديدي (@KelmaAkhira) December 27, 2022