ماذا قال طبيب شيرين عبد الوهاب عن حالتها الصحية ؟ (فيديو)

رفض الدكتور نبيل عبد المقصود، الطبيب المعالج للفنانة شيرين عبد الوهاب، الحديث عن حالتها في الوقت الحالي، وذلك أثناء استضافته في برنامج "بنت البلد" الذي تقدمه الفنانة نشوى مصطفى على فضائية "صدى البلد".
قال الدكتور نبيل عبد المقصود، الطبيب المعالج للفنانة شيرين عبد الوهاب: "عدم الحديث عن حالة شيرين واجب عليا، التعامل مع المريض فن، بيفتقده البعض، ويحترفه الآخرون، التعامل مع المريض مهم جدا، تخيل إني بتعامل مع مريض هو أصلا كلكيعة مشاكل، والمرضى اللي بيتعاطوا أو اللي وصلوا لمرحلة الإدمان، من وجهة نظري، دول مش مجرمين دول مرضى، ومحتاجين حد يطبطب عليهم، محتاجين حنية، محتاجين تحسسهم بآدميتهم، محتاجين معاملة فيها رقي وتخليهم يحبوك، ولو حبوك هيعلمولك كل اللي إنت عايزه".
وتابع: "مش بتكلم عن الدكتور، بتكلم عامة، لو حد شد معاهم أو تعالى عليهم، أو حد ابتدا يكلمهم بشئ من العجرفة، دول عنديين فوق ما حد يتخيل، عندهم عناد غير عادي، فبالتالي، هيبتدوا يتصرفوا بعنف، وعلى عكس ما الشخص اللي قدامهم عايز هيعملوا العكس تماما".
وبخصوص شيوع أن الفنانين هم أكثر عرضة للإدمان، أوضح قائلا: "أنا في رأيي الكلام ده مش مظبوط، ليه؟، التعاطي والمخدرات لا تعرف ولا سن ولا راجل ولاست، ولا تعرف معاك دكتوراة ولا دبلوم صنايع، ولا تعرف حاجة من الحاجات دي خالص، هي تعرف حاجة واحدة بس، واحد تعرف على شخص سحبه وإداله، ده اللي تعرفه، فمش بتختار حد، الحد هو اللي بيختارها، ومينفعش يروحولها غير لما واحد ياخد إيدهم ويعرفهم عليها وبالتالي طالما سحبه هياخده، ومفيش حد بيقول لحد وهم قاعدين مع بعض ما تيجي نروج نجيب هيروين وناخد مع بعض، لازم يكون بياخد عشان يعرف يسحبه ويعرفوا عليها، وعشان الفنانين معروفين، فظاهرين على الساحة بس مش أكتر، لكن هم لا يمثلوا عدد من الناس اللي بتاخد، لكن عشان معروفين فظاهرين، فملهاش علاقة خالص نهائي".
يذكر أن أسرة النجمة شيرين عبد الوهاب أصدرت بيانًا صحفيًا، حذرت فيه وسائل الإعلام من تناول الأخبار التي تخص أزمتها الأخيرة".
وقالت أسرة شيرين في بيانها:" بيان من أسرة الفنانة شيرين عبد الوهاب.. نطالب بعدم نشر أي أخبار أو تصريحات في الفترة الحالية، ونرجو من السادة الصحفيين والإعلاميين الالتزام بذلك.. شاكرين لهم اهتمامهم ودعمهم لنا".
وتخضع الفنانة شيرين عبد الوهاب حاليا للفحص الطبي والعلاج، في إحدى المصحات النفسية، حتى إكمال علاجها من إدمان المخدرات، وفقا لتصريحات شقيقها محمد عبد الوهاب، في برنامج "الحكاية"
وقال شقيق الفنانة شيرين عبد الوهاب في مداخلة هاتفية مع الإعلامي عمرو أديب، ببرنامج "الحكاية"، مساء الأحد الماضي: "شقيقتي بتضيع وتنهار وتتعرض لعصابة مكونة من حسام حبيب وسارة الطباخ، وأمي قالت ليا أبوس على إيديك إنقذ أختك من الإدمان، مدير المستشفى في النيابة العامة حاليا وأثبت بالأوراق الدخول الإلزامي لشقيقتي للعلاج من الإدمان".
اقرأ أيضًا:
أول تعليق من حسام حبيب على تورطه في إدمان شيرين عبد الوهاب المخدرات... للتفاصيل اضغط هنا
"كنت أغنى منها".. حسام حبيب: "لما تجوزت شيرين كان عندي فلوس أكتر منها".. للتفاصيل اضغط هنا
حسام حبيب: "قالولي شيرين ممتنعة عن الطعام وحاولت الانتحار"... للتفاصيل اضغط هنا
حسام حبيب يكشف أزمة المخدرات في حياة شيرين: "الموضوع ده بقى أهم مني" (فيديو).. للتفاصيل اضغط هنا
"شيرين كانت منتهكة والحنفية اتقفلت".. حسام حبيب يعلق على أزمته مع شيرين عبد الوهاب.. للتفاصيل اضغط هنا