"عايز أحضر إعدامه".. والد نيرة أشرف: "الرئيس بتاعنا هو اللي هيجيب لبنتي حقها"

أكد أشرف عبد القادر، والد الطالبة نيرة ضحية واقعة المنصورة، أنه لن يتلق عزاء ابنته قبل النطق بالحكم، قائلًا: "مش عاوز حد يعزيني ولا عملت عزاء لحد ما لحكم ينطق على القاتل وحق بنتي يرجع"، مضيفًا: "والدة نيرة ربنا يلطف بيها وشكلها هتروح وراء بنتها وكانتا متعلقتان ببعضهما البعض لأن نيرة روحها وحياتها وهي الباقية بين شقيقاتها الاثنتين ولم تتزوج وهي دائمة الإقامة مع والدتها ".
وأضاف "أشرف" في مداخلة هاتفية لبرنامج "كلمة أخيرة" على فضائية "أون إي" اليوم الثلاثاء، باكيًا: "من إمبارح وأنا حاسس أنها مراتي هتموت ورا بنتها، نيرة كانت زهرة البيت حبيبة البيت والأقرب لشقيقاتها حتى أزواج أخواتها بيحبوها أوي وأولاد أخواتها بيموتوا فيها".
وتابعت: "كانت وردة البيت المفتحة وكل الناس بتشم فيها والقاتل جالي مرتين أو ثلاثة وطلبها وقولتله الموضوع مرفوض لا أنت ولا غيرك، بنتي كان طموحها عالي وكانت عاوزة تحقق نفسها قبل الشروع في الزواج"، موضحة: "كانت عاوزة تشتغل مضيفة عبر الالتحاق بمعهد المضيفات بعد الانتهاء من الدراسة في كلية الآداب وهو في الآخر جاء وضيع حياتها في لحظة".
وأردف، والد الطالبة نيرة ضحية واقعة المنصورة: "أنه لم يتوقع أبدأً أن يقتل بنتي، صحيح شتم وعمل أكونتات فيك لكن مكناش نتخيل أنه يمشي وراها بسكينة ويقتلها وكنا فاكرينه بيهجص وقبل وفاتها بنحو 48 ساعة هددها ولم تخبرنا".
وأكد: "عايز احضر إعدامه وأشوفه وهو بيتعدم زي ما الناس كلها شافت بنتي وهي بتندبح وقلبكم اتقطع على بنتكم مش بنتي بس، نيرة بقت بنت مصر كلها بعد الفيديو دا ومصر هي اللي هتجيب لها حقها والرئيس بتاعنا هو اللي هيجيب لها حقها".