السيسي: "في أشقاء عندهم 200 مليون فدان قابلين للزراعة.. متزرعوش ليه!"

قال الرئيس عبدالفتاح السيسي إن أوكرانيا تنتج نحو 60 مليون طن من القمح سنويا رفم أن مساحتها 600 ألف كم مربع.
وأضاف السيسي، خلال افتتاح الاجتماعات السنوية 29 للبنك الأفريقي للتصدير والاستيراد (أفريكسيم بنك) المنعقد اليوم الخميس بالعاصمة الإدارية: في دول أفريقية عندها قدرات للزراعة قد كده مرات كثيرة، وأنا علشان أزرع مليون فدان محتاج كهرباء وطرق وسكة حديد وتكنولوجيا زراعية حديثة ودي أموال ضخمة، مش بتكلم على 25 أو 30 مليون فدان أو أكتر، بتكلم على مليون فدان فقط.
وتابع الرئيس السيسي: في كام مليون هكتار عندههم البنية الأساسية المطلوبة للزراعة، حد يقولي طيب إحنا كسياسيين نعمل ده، بقول إحنا كسياسيين لما نتكلم بنكون معنيين بقدرتنا الاقتصادية.
وواصل الرئيس: بنتكلم على أشقاء عندهم 200 مليون فدان قابلين للزراعة، بنتكلم من 50 سنة طيب متزرعوش ليه، لأن المطلوب مش موجود، ودي القضية بين المطلوب والقدرة على تحقيقه.
واختتم السيسي: أنا بقول أرقام بدير العمل بيها في مصر هنا، ده واقع أنا بعيشه علشان أحول مليون فدان من أرض غير قابلة للزراعة لأرض قابلة للزراعة، القضية مش قضية وجود موارد طبيعية، النهاردة علشان تقدر تروح أي دول أفريقية علشان تعمل قيمة مضافة للحديد أو النحاس أنت عاوز الطرق والبنية الأساسية اللي تسهلك ده.
ويشارك في الاجتماعات، التي ينظمها البنك المركزي المصري بالتعاون مع "أفركسيم بنك"، أكثر من 3 آلاف شخصية مصرفية وحكومية ودولية رفيعة المستوى، بحضور محافظي البنوك المركزية ورؤساء الحكومات والوزراء الأفارقة، وممثلي المنظمات الدولية والإقليمية وعلى رأسها الأمم المتحدة والاتحاد الأفريقي والبنك وصندوق النقد الدوليين بجانب ممثلي البنوك والهيئات والخبراء الدوليين.
"أفركسيم بنك" مؤسسة مالية متعددة الأطراف لعموم أفريقيا تعني بتمويل وتعزيز التجارة داخل وخارج إفريقيا، ويعمل على ابتكار حلول تمويلية تدعم تحول هيكل التجارة في إفريقيا، وتسريع التصنيع والتجارة داخل المنطقة، وبالتالي تعزيز التوسع الاقتصادي في أفريقيا.