حسين أبو حجاج: زعلت جدا من هنيدي بسبب هذا الموقف.. قالي حاجة مش منطقية

كشف الفنان حسين أبو حجاج، عن موقف حزن منه للغاية من الفنان محمد هنيدي، بعد تعاونه معه في فيلم "صعيدي في الجامعة الأمريكية".
وقال أبو حجاج، في حواره مع الإعلامية إنجي أنور مقدمة برنامج "مصر جديدة" على قناة "etc": "هقول سر أول مرة أقوله، بعد فيلم (صعيدي في الجامعة الأمريكية) عام 1998، كان هنيدي بيعمل مسرحية (طرائيعو) عام 2002، فأنا روحت سلمت عليه في العيد وقولتله أنت نسيتني وكلام من ده، قالي: شوف يا (لؤي) لو الناس نسيت (لؤي) في (صعيدي في الجامعة الأمريكية) يبقى ينفع نشتغل مع بعض تاني".
أضاف: "أنا لقيت المنطق بتاعه غريب يعني، المفروض لما تلاقي واحد الناس ركزت معه وحبيته تقوم تجيبه، زعلت منه جدا، لأنه قالي حاجة مش منطقية، المنطقي لما أشتغل معاه والدنيا تبقى حلوة معايا تجيبني في دور تاني".
تابع: "أنا من بعد الموقف ده مقابلتوش تاني، وبعد سنين لما قالولي هنيدي عايزك بالاسم معاه في فوازير (مسلسليكو) 2013، وحاولت إني أطفشهم وأطلب طلبات أكتر من اللازم ووافقوا عليها، وعشان كده وافقت، ولكن لما اشتغلنا ده مقولتليش ده".
يذكر أن آخر أعمال حسين أبو حجاج مسلسل "الكبير أوي ج6" مع النجم أحمد مكي في رمضان 2022.