عمرو مصطفى: "مش هكتشف شباب تاني.. ومش هحب غير عمرو مصطفى"

أكد الفنان عمرو مصطفى على أنه حاول صناعة موسيقى جديدة بشكل مختلف، لكنه لم ينجح، وجازف في مساعدة الشباب، لكنه خسر.
وقال أثناء استضافته عبر برنامج "حبر سري": "تعبت إن أنا أعلم، وقتي بيضيع، لو إنت عاوزة تبقى رقم واحد، فكري بس في الحاجة اللي بتتميزي فيها، إيه اللي بتميز فيه، التلحين والغناء، أنا مش وظيفتي أني اكون موزع، ومش وظيفتي أني أتعب مع موزع وأقعد أعلمه، صح ولا غلط، مش مهنتي، لو عايز أتعلم التوزيع كنت اتعلمته، بس أنا مش مهنتي إني أتعلم التوزيع، بس حاولت أساعد شباب جديدة، اكتشفت إن ده غلط ومش مظبوط، علشان كده، قولت إني مش هحب غير عمرو مصطفى، لإني ضحيت لناس كتيرة، صغيرين وكبار، النهاردة محدش يقولي اكتشف شباب جديدة".
وتابع: "الشاعر اللي أنا اكتشفته ده، مصطفى ناصر، هو ناجح من غيري، نجح بأغنية اسمها على عيني، أنا جايبه وهو ناجح، مش لسه هكتشفه، ومش هكتشف حد جديد، ساعدت كتير جداد، كانت النتيجة إيه، حقد ونظرة مش حلوة، ما أنا كنت بشتغل بره وكنت زي الفل، حد كان يسمع عني حاجة، موسيقتي ابتدت تنزل، ليه، لإني الكواليتي ابتدا ينزل، طب أنا ليه أجازف باسمي، الشباب دي صغير لسه، مينفعش تتكلمي عن حد تأذيه، فلازم أقول عليهم إيه، أنا ساعدت يا جماعة شباب، عشان محدش يقول إن أنا مساعدتش الشباب، لا أنا ساعدتهم".
وتصدر الفنان عمرو مصطفى تريند مواقع التواصل الإجتماعي، طوال شهر رمضان بسبب جملته الشهيرة "في رمضان".
بالعودة لحلقة عمرو مصطفى مع الإبراشي، كان يعلّق على مشهد للفنانة عبير صبري في مسلسل "السيدة الأولى" عام 2014".
وانتشر تعليق عمرو مصطفى "في رمضان" خلال الفترة الماضية على السوشيال ميديا، وتم استخدامه ك"كوميكس" من قِبل الكثيرين للتعليق على العديد من المواقف الطريفة في شهر رمضان.