الاختيار 3 الحلقة 22.. شيخ قبائل سيناء للشاطر: أرض الفيروز ستظل مصرية مش إخوانية

شهدت الحلقة 22 من مسلسل الاحتيار 3، اجتماعا بين القيادي الإخواني خيرت الشاطر (خالد الصاوي)، والشيخ أحمد (منذر رياحنة) شيخ القبائل في سيناء.
وخلال "الاختيار 3 الحلقة 22"؛ يخبر "الشاطر" شيخ قبائل سيناء أنه حزين لإيقاف الأخير أعمال مقاولات الجماعة، يعقب "الشيخ أحمد": "مش أنا اللي عملت المشاكل، أنتوا اللي عملتوها ووقفتوا كل شغل الشركات التانية عشان شركات الإخوان هي اللي تشتغل، يا الشغل يرجع لأهل سيناء، يا إما مفيش حد فينا هيشتغل لا إحنا ولا أنتوا.. اللي يقرب من أهل عيشنا بنقصف رقبته، وأهل سيناء مش بيخافوا غير من اللي خلقهم بس".
يعرض "الشاطر" على "الشيخ أحمد" الشراكة، ويعقب الأخير: "طيب ما تقول كده من الأول.. قول إيه رأيك يا شيخ تاخدلك قرشين وتبيع أهلك وناسك، أظن اللي حكالك عني ميعرفنيش أو مش من أهل سيناء"، يرد "الشاطر": "طيب في شغل تاني على الحدود.. عايزينك تبقى الراجل بتاعنا هناك.. فيها مصلحة كويسة للجميع"، يعقب "الشيخ أحمد": "إحنا اللي بيغلط عندنا غلطة صغيرة بنطرده وبيظل منبوذ بلا قبيلة، ولو كانت الغلطة كبيرة قبيلته أولى بدمه، بنذبحه ولا ندفنه في الأرض الطاهرة أرض الفيروز".
يسأله "الشاطر": "أنت ليه واخد مننا موقف يا شيخ أحمد؟"؛ يرد شيخ قبائل سيناء: "لا أنا مش واخد موقف، بس أنتوا مش راضيين تفرقوا بين السياسة والشغل، وبدي أنصحك نصيحة.. مهما لفيت ودورت سيناء هتفضل مصرية، لا إخوانية ولا غيرها، مصرية، ولو فكرتوا تيجوا بالعنف، والله كنتوا ريحتونا من ها القعدة والمشوار".
مسلسل "الاختيار 3" بطولة: كريم عبدالعزيز، أحمد عز، ياسر جلال، أحمد السقا، صبري فواز، خالد الصاوي، عبدالعزيز مخيون، جمال سليمان، منذر رياحنة، هيدي كرم، هشام إسماعيل، أمير المصري، وإيمان العاصي وغيرهم، ومن تأليف هاني سرحان، وإخراج بيتر ميمي.