إلهام شاهين ترد على أحمد فلوكس: "بتدوله أكبر من أهميته" (فيديو)

ردت الفنانة إلهام شاهين، على ما أثير من أقاويل بشأن أنها غيرت مبادئها وقدمت تنازلات في الإغراء كي تستمر على الساحة، وذلك في برنامج "العرافة" الذي تقدمه الإعلامية بسمة وهبة على قناة المحور.
وقالت إلهام شاهين: "مين اللي قال إني مارقصتش قبل كده.. من أول بداياتي في مرسحية سيد قشطة كنت برقص، وكل المسرحيات اللي عملتها فيها 90% منها فيها استعراض ورقص.. أنا هو أنا.. مافيش حاجة اسمها اضطريت أنا الدور اللي بيعجبني وبيستفزني بعمله.. لكن إلهام شاهين عمرها ما هتضطر تعمل حاجة.. لو عملت كدة اعرفوا إن أنا هموت".
وأضافت: "أنا بتكلم في كل حاجة وأي حاجة، فأنا في أي برنامج أو لقاء صحفي عمري في حياتي ما قلتلهم إدوني الأسئلة قبلها".
كما ردت على الانتقادات التي وجهها لها الفنان أحمد فلوكس قائلة: "بتدوله أكبر من أهميته.. أنا قلت أنا مش هرد على أي فنان أنا هرد على الناس الأخرى، أنا ما بردش على حاجة قالها فنان، لأن أنا من زمان خدت على عاتقي إني محامي الفنانين، فأي فنان يتعرض لهجوم بدافع عنه."
وأضافت: "أنا مقدرش أغلط في زميل حتى لو هو غلط.. فالأمر أشبه بفتنة، وأنا مش هرد على فنان بيغلط لأني بدافع عن الفن وأهل الفن"، مؤكدة أنه بسبب هجومه عليها يبحث عن الترند بسبب كون الأضواء بعدت عنه شوية، وهو سبق وأن أعلن اعتزال الفن، فقد يكون نفسيا "مش متظبط"، طب أنت اعتزلت وبقيت بعيد طب إيه؟ أنا بقوله الله يكون في عونك وربنا معاك وعمري ما هكون ضدك".
وواصلت: "أنا بيصعب عليّ الفنانين مابعرفش أرد عليهم، وأحمد فلوكس صعبان عليّ، ولو تعبان من أي حاجة ربنا معاه".