«مفيش حاجة اسمها اضطريت أعمل إغراء».. إلهام شاهين: لم أقدم تنازلات للوجود بالوسط الفني

أكدت الفنانة إلهام شاهين أنها لم تغير مبادئها ولم تقدم تنازلات للحفاظ على مكانتها في الوسط الفني، ولم تغير رأيها من الرقص، وبخاصة أنها قدمت عددا كبيرا من المسرحيات اعتمد معظمها على الرقص: «وبعدين مفيش حاجة اسمها اضطريت أعمل دور إغراء، اللي بيعجبني بعمله».
وردت الفنانة إلهام شاهين، على انتقادات الإعلامية الكويتية مي العيدان، بعدما طلبت منها أن «تحترم عمرها وتحتشم»، قائلةً: «أنا معرفهاش، معرفش مين مي العيدان دي، بس هي مالها؟! تحاسبيني ليه إني ألبس مفتوح أو مقفول، دي مسألة متخصكيش».
وأضافت شاهين، خلال حوارها مع الإعلامية بسمة وهبة مقدمة برنامج «العرافة»، على قناة المحور: «قوم نفسك ومش تقوم الآخرين، وكل واحد يبقى عنده الرقيب الذاتي، لكن ملهوش دعوة بالتاني».
وتابعت: «أنا طول الوقت بيجيلي رد فعل إيجابي على آرائي التنويرية وشجاعتي والشيء الجميل الذي أقدمه للمجتمع والجوائز التي أحصل عليها، لكن الإعلام يجمع كل من هم ضدي فيظهر أن العالم كله ضده، وهذا شيء غير صحيح.. الله يحرق السوشيال ميديا بجاز».
وحول سر مشاركة صورها الشخصية على السوشيال ميديا، قالت: «بتنزل من غير علمي، وصفحتي الشخصية مش عليها صورة واحدة، كان في حد غلطة في حياتي وخرجته من حياتي لما نشر الصور، فوجئت إن بيتي كان مذاع على الهواء، كنت هموت فيها، واللي عمل كده مش هقول الله يسامحه.. الله لا يسامحه، وخرج من حياتي».
وفي سياق متصل رفضت الرد على هجوم الفنان أحمد فلوكس عليها، قائلة: «بتدوله أكتر من أهميته، ومقدرش أغلط في زميل، عمل زي اللي عمل فتنة طائفية أو حرب أهلية، أنا مش هرد على أي فنان يغلط، لأني أدافع عن الفن وأهل الفن".
وأضافت شاهين، خلال حوارها مع الإعلامية بسمة وهبة مقدمة برنامج «العرافة»، على قناة المحور: «عاوز يركب التريند، ممكن الأضواء بعدت شوية عنه أو عاوز يلفت النظر، والغريبة إنه كتب إنه اعتزل، ورغم كده بيتكلم، ممكن يكون فنيا مش مظبط، وأقوله ربنا يكون في عونك ومعاك، وعمري ما هكون ضدك، الفنانين بيصعبوا عليّ، واحمد فلوكس صعبان عليّ ولو تعبان من أي حاجة ربنا معاه».