"بيت الشدة" عن الشدة المستنصرية: النيل جف والناس نبشت القبور وأكلت الكلاب

شهدت الحلقة الأولى بمسلسل "بيت الشدة" التي عرضت على قنوات "القاهرة والناس" و"صدى البلد" و"تن"، قصة الشدة المستنصرية التي وقعت في عهد الحاكم المستنصر بالله في العصر الفاطمي، من خلال حوار ثلاثي جمع بين النجوم أحمد وفيق ومحسن منصور ومدحت تيخا، داخل أحد الكافيهات خلال الأحداث الدرامية للعمل.
وبدأ محسن (الشيخ عبدالقادر) حديثه الذي وجهه ل (روماني) مدحت تيخا، قائلا: "البلد دي ياما مر عليها سنين عجاف وكوليرا وحروب وغزوات، ولكن محدش قدر عليها".
ليرد أحمد وفيق (معلم مختار)، قائلا: "من ألف سنة وأكتر عدى على ناس المحروسة دي أصعب 7 سنين، وتحديدا عام 1065 ميلادي.. النيل مايته جفت، وده كان أيام الحاكم المستنصر بالله.. الزرع دبل، كيلة الدقيق كانت بتتباع ب 10 جنيه.. الناس عاشت في كرب 7 سنين وفي عز الشدة، الناس أكلت كل حاجة (البهايم والمواشي حتى الكلاب والقطط، ونبشوا القبور).. مفيش حاجة كان دابب فيها الروح إلا وكلوها، ووصلت أنهم يرموا الخطاف من أعالي البيوت ويصطادوا بيه الناس اللي ماشية .. البيت ده كان معروف ببيت الشدة، وكل الناس كانت بتتخطف من قدامه".
ليخبر (معلم مختار)، (روماني) مدحت تيخا، بأن (فلك) وفاء عامر وأسرتها بالأحداث من أحفاد ونسل الناس دي، ودول ناس سواد وخراب على الدرب كله.
وأضاف (معلم مختار): "بيت الشدة ده أيام الشدة المستنصرية كان أشهر بيت، وكان بيلقط أي حد يعدي من تحته بخطاف او هلب مفيش حد دخله الا وخرج عضم في شوال".
بينما أضاف (الشيخ عبدالقادر): "مكنش حد يقدر يسكن في البيت ده غير نسل أهله الأصليين، ومكنش حد يجرؤ إنه يقرب ناحية البيت ده أو يدخله".
مسلسل "بيت الشدة" يعرض يوميا طوال شهر رمضان على قناة "القاهرة والناس" في تمام الساعة الثانية عشرة صباحا.
المسلسل يعرض في موسم مسلسلات رمضان 2022، وبطولة النجوم: وفاء عامر وأحمد وفيق، إيهاب فهمي، مها أحمد، محسن منصور، أحمد التهامي، مدحت تيخا، محمد مهران، عبير منير، صبري عبدالمنعم، لبنى ونس، منى العمدة، وعمر محمد فوزي، وعدد من الفنانين، منتج فني عوض ماهر، ومدير تصوير عزمي الرحماني، ومن تأليف ناجي عبدالله، ومن إخراج وسام المدني، وإنتاج شركة اكسيليفون للإنتاج الفني.