نتيح فرص العمل.. السيسي: مبحبش أفرق فلوس على الناس

قال الرئيس عبدالفتاح السيسي إن هدفه توفير فرص عمل للمواطنين وليس منحهم أموالا في أيديهم.
جاء ذلك خلال افتتاح عدد من المشروعات القومية في الصعيد، اليوم السبت، بحضور الرئيس عبدالفتاح السيسي.
وأضاف الرئيس: إحنا معندناش مشكلة نعمل والناس تشتغل، لكن عندنا مشكلة في التفريق، أنا مبحبش أفرق، أفرق فلوس على الناس ده كلام مش مضبوط لكن أوفرله فرص عمل وأديله فرصة ينتج، أنا مش عايز أديله السمكة وعايزه هوا اللي يصطاد السمكة.
وتابع السيسي: لما عملنا كده في الروبيكي بقى مستوى التصدير في تحسن وزيادة، لما أجي النهاردة أسلخ رأس ماشية يدوي ليه تمن ولما المكنة تعمله يزيد 20% في سعره وهي نفس الجلدة، لما اتكلمنا على المجازر الآلية هي بتعمل الشغل ده ويا رب المجازر اللي عملتها التنمية المحلية تكون بتحقق ده مش عبارة عن مراكز بدلية مطورة فقط، منتجات الجلود دي أنا بستهدف في المرحلة الحالية تغطية طلبات السوق المحلي، لما ألبس قميص من مصر بمستوى زي اللي موجود في الخارج، أنا وفرت فرص عمل وعملة صعبة وزودت الناتج المحلي عندي.