البلد هتقوم بينا كلنا.. السيسي: مشاركة القطاع الخاص توجه دولة

أعلن الرئيس عبدالفتاح السيسي، أن الدولة لديها توجه بمشاركة القطاع الخاص في تنفيذ المشروعات والاستفادة من خبراته.
وأضاف السيسي على هامش افتتاح مشروعات في أسيوط: كنت بتكلم مع زمايلنا في الحكومة على حجم المشاركة في القطاع الخاص كشركات خاصة في مجال التشييد، أنا براجع الأرقام، عدد الشركات عشان تحفظوها هو 4500 بالظبط 4375، فيه منهم 150 شركة حد أدنى مليار جنيه، و75 مليار جنيه حد أقصى
نتمنى من القطاع الخاص يساهم في كل شيئ، ده مش كلام، لكن بنشجع، حتى مشروع النهاردة، لو القطاع عايز يخش يشارك، أهلا وسهلا، ادفع وتبقى معانا، مستعدين لمشاركة القطاع الخاص بالنسبة اللي هو عايزها.
وأوضح السيسي: 4500 شركة عملوا شغل بتريليون و100 مليار جنيه، على الأقل فيهم 4 أو 4 مليون إنسان، فيهم نسبة كبيرة بتعول أسر، يعني 3 مليون أسرة، يعني 15 أو 20 مليون إنسان، بقالنا 7 سنين شغالين، سواء طرق خلصت بيهم مش بحد تاني، قلت الكلام ده 3 مرات.
ووجه السيسي حديثه لوزير النقل: هل الشغل ده تقدر تنفذه بشركاتك بس؟
ورد الوزير: لا نستطيع بشركاتنا تنفيذ هذه المشروعات، إحنا في وزارة النقل، كل اللي بيشترك معانا 3 شركات من الحكومة، هي المقاولون العرب وشركات النيل.
وقاطعه السيسي: من حقك تقولي في ميناء السخنة شغال معاك كام شركة؟
وقال كامل الوزير: لأول مرة يشتغل شركات مصرية في الخط الرابع للمترو جميعها شركات مصرية، و14 شركة في ميناء السخنة.
ورد السيسي: المقاولون العرب فيها 70 ألف شركة، فيه 4 شركات حكومة، والباقي قطاع خاص، ميناءات دمياط والسخة وإسكندرية، شغال فيها شركات القطاع الخاص.
يا جماعة من يعمل في مصر هي شركات مصرية قطاع خاص، بقول لهم لما بقعد معاهم، خشوا في مجالات أخرى، انتوا حققتوا قوائم مالية كويسة، خشوا في مشروعات أخرى لدفع عجلة الاقتصاد، مش بنشجعه كلام.
وأكمل السيسي: قلت إن الفدان بيتكلف 200 ألف جنيه، إذا كان حد في القطاع الخاص مستعد يخش لما نخلص 2.5 مليون فدان خلال سنتين اتكلفوا 500 مليار جنيه، لو مستعدين يدخلوا، هكون مستعد جدا، ديروا عملكم، أي مشروع هعرضه عليك، هيكون منتهي مش بفكر فيه، ده معناه إن دراساته وإجراءاته ومناقصاته خلصت، ثم تم تنفيذه وأصبح جاهزا للعمل، مش هعرض عليك مشروع وأقولك اعمله انت، ثم أنا بتكلم على كل المشروعات، يعني الإنتاج الحربي ممكن يكون له مشروعات، أه، بعلنه أهو، ده توجه دولة، يبقى فيه مشاركة للقطاع الخاص، ونستفيد من خبراته، للمرة الخامسة، محتاجينكم، بس بلاش نفهم أمور على أنها مزاحمة أو رفض، عشان حكم العمل المطلوب كبير جدا، وقدرات القطاع الخاص وخبراته مهمة، طب جهاز الخدمة الوطنية، هل مشروعاته متاحة، أيوة، متاحة للبورصة وللمشاركة.
وقال السيسي: أي مشروع اتعمل زي ما الكتاب اتقال، هتروح تشوف 2 مليون فدان، مش هتلاقي فيه حاجة ناقصة، تسوية أرض ومد المياه، وشبكة الكهرباء والطرق، احنا جادين أوي في التغلب على تحدياتنا، ونقاتل ما نحن فيه للخروج منه، وبفضلك يا رب هنخرج منه للي احنا بنتمناه، مفتكرش حد يكون هدفه الإصلاح إلا لما ربنا بيسدد خطاه، البلد دي هتقوم بينا كلنا وفهمنا كلنا مع بعضنا.