يحتفل جمهور الفنان الكوميدي الراحل علاء ولي الدين بعيد ميلاده، الموافق اليوم 28 سبتمبر الجاري. لم يختلف أحد على أعمال الراحل علاء ولي الدين، ومازالت أعماله تعُرض حتى الآن لا يمل منها الجمهور. قدم علاء ولي الدين للفن المصري ما يقرب من 140 عملًا ما بين السينما والتليفزيون والمسرح: في هذا التقرير نعرض لكم معلومات عن الراحل علاء ولي الدين: - ولد علاء ولي الدين في 28 سبتمبر عام 1963، بمحافظة المنيا. - عمل كمساعد للمخرج نور الدمرداش لمدة 4 سنوات، اكتسب خلالها خبرة جيدة. - بدأ بأدوار صغيرة في العديد من الأعمال منها: "آيس كريم في جليم"، "الإرهاب والكباب"، "المنسي"، "النوم فى العسل". - شارك في مسرحيات :"حكاية كل صيف"، "خد بالك من عيالك"، "إحنا اللي أخدنا الجايزة"، "هي والتلامذة"، غيرها. - من أشهر أفلامه :"ابن عز"، "بيتزا بيتزا"، "الأنثى والدبور"، "جبر الخواطر"، "امرأة وخمسة رجال". - عام 1999 رشحه المخرج شريف عرفة لبطولة فيلم "عبود على الحدود" وحقق الفيلم نجاحا كبيرا. - شارك في فوازير :"أعلام هند وبانيليا"، "كنز الكنوز"، "إحنا فين". - روى معتز ولي الدين شقيق الراحل، تفاصيل اللحظات الأخيرة في حياة علاء ولي الدين خلال لقاء سابق له ببرنامج "واحد من الناس"، قائلًا: "كان في البرازيل بيصور فيلم عربي تعريفة كان ال10 أيام أكلمه يقولي أنا في الجنة يا معتز لما كان بيصور في جزيرة هناك كان يقولي بقعد أسبح ربنا كتير". - وأضاف: "لما استقبلته في المطار كان أول حاجة حاجة يشوفها هو ابني خالد اللي كان لسه مولود، جه البيت كان فجر العيد الكبير ووقفة عرفات سلم علينا وعلى ماما واستنينا منمناش عشان نصلي العيد، وكلمني وقالي آمن على الجزار عشان يدبح على طول قولتله علاء بقى خش أنت عشان الناس وأنا وخالد هنعمل كل حاجة قالي لا سيبني والنبي أنا عايز أوزع اللحمة بإيدي". - وتابع شقيق الفنان الراحل: "بعد كدا دخل لوالدتي قالها أنا هنام شوية عقبال ما تعملي الفتة واللحمة وطلب مني أجيبله جرايد عشان كان عايز يعرف الأخبار، بعدها بربع ساعة دخلت عليه الأوضة لاقيته واقع على الأرض بصحي فيه اتخضيت قولت وقع اتخبط ولا حاجة بحاول أصحيه لاقيته متوفى عرفت على طول حاولت أتماسك عشان والدتي ونزلناه من البيت على إنه عنده غيبوبة سكر مش متوفى". - أثناء تصوير فيلم "عربي تعريفة" رحل الفنان الكوميدي في 11 فبراير 2003، إثر إصابته بغيبوبة سكر وارتفاع في ضغط الدم.
