تفقد الفريق كامل الوزير، وزير النقل، اليوم الخميس، محطة قطارات ديروط، وطالب باستبدال أبواب معدات الحماية المدنية "طفايات الحريق وخراطيم المياه" ووضع بدلًا منها أبواب لا تستخدم فيها الأقفال قائلًا: "لو ملقيناش مفتاح وحصل حريق نسيب الدنيا تولع، طب لو ملقيناش الراجل اللي معاه المفتاح نعمل ايه يا سيادة المدير". واستمع الوزير إلى عدد من رواد المحطة وسألهم عن التذاكر، وداعبهم قائلًا: "انتوا 5 هتركبوا بتذكرتين ازاي، والله يابلاش"، فيما جرى فحص الواقعة، وتبين أن التذاكر "مجمعة" إذ يجري إشراك أكثر من راكب في تذكرة واحدة. واستوقف أحد المعلمين الوزير، الذي سأله بدوره عن وجهته، وقال له: "إنت راكب من أسيوط لمنفلوط بجنيه ونصف، ولو راكب ميكروباص هتدفع 10.50، قول للناس كدا طيب، ومتخافش مش هاخد منك الزيادة" وداعب وزير النقل المدرس، وقال له: "انت مش مغطي مناخيرك، ليه سايبها كدا عريانة".