حمو بيكا: "فيديو الاعتذار ملوش علاقة بالقضية وازاي هاني مهنا يتنمر عليا؟!"

علق حمو بيكا مطرب المهرجانات، على مقطع الفيديو الذي نشره اليوم الثلاثاء، للاعتذار للفنان الكبير هاني شاكر، قائلًا: "ماعملتش الفيديو ده عشان القضية أو الحكم لو مكتوبلي حاجه هشوفها بس كان لازم أعتذر للفنان الكبير هاني شاكر لاني مكنتش قاصد أعمل أي مشكلة".
وأضاف "بيكا" في مداخلة هاتفية لبرنامج "كلمة أخيرة" على فضائية "ON E" اليوم الثلاثاء: "أنا طول عمري بحب الناس والناس بتحبني ومش عاوز حد ياخد فكرة وحشة عني "، متابعًا: "لو مكتوبلي اتحبس أتحبس ولو هاخد براءة برضه هاخد براءة اللي كاتبه ربنا هيكون بس كان لازم أتأسف واعتذر لأستاذ هاني شاكر ولأعضاء مجلس نقابة الموسيقيين، لأنه زي أبويا وماينفعش أقف قدام أبويا وأزعق ".
وأوضح: "أنا إعتذرت كتير في كافة المنصات وكل فترة بعتذر لأني كنت خايف أروح النقابة تحصل معايا مشكلة هناك، ولما لقيت ماحدش كلمني ولا إعترضني عملت الفيديو وااعتذرت فيه وأخدت بعضي ونزلت ماشفتش حتى حد "، مؤكدًا: الاستئناف في القضية هيبقى يوم 25 ديسمبر ولازم أحضر الجلسةومش ههرب منها حتى لو إتحكم عليا بده يبقى ربنا عاوز كده ".
وأردف "بيكا": "كلمت ناس كتيرة عشان يتوسطوا ليا وناس كتيرة أتوسطت محدش رد عليا"، متابعًا: "بعتب على الموسيقار هاني مهنا لأنه قال أني مجرم وصايع وحاططني في موقف من وجهة نظرة"، متسائلًا: "إزاي يتنمر عليا ويقصف جبهتي ؟ وانا مش متعلم صحيح بس علامي ان مافيش حاجة إسمها أنا فوق وأنت تحت ؟ ".
وأكد :"بحاول اختر وانتقي كلمات الأغاني بعد الجدل على نوعية الكلمات ومبقاش في حاجة خارجة من وقت ما وعدتك يا استاذة لميس"