السيسي: عدم الاستقرار معناه ضياع الدولة وأي فعل الناس تعمله ليه تكلفة كبيرة

قال الرئيس عبدالفتاح السيسي، إن ضريبة عدم الاستقرار في الدولة كبيرة وتشمل تأثيراتها كافة القطاعات.
وأضاف السيسي، خلال افتتاح جامعة الملك سلمان الدولية بشرم الشيوخ، وعددا من المشروعات الأخرى، اليوم السبت: "اتحدث عن مشروعات توقفت عاتم 2011، مش الفكرة إن 2011 إساءة لحد ولكن بقول إن أي فعل الناس هتعمله ليه تكلفة كبيرة جدا جدا.
وتابع الرئيس: "الموضوع بتاع 2011 ده اللي حصل لقطاع الآثار مش إيقاف إنشاء المتاحف أو تعثرها لأ، ده حصل كتير ممكن يكون فيه فقد للآثار أو تهريب كبير أوي في الفترة دي، عدم الاستقرار معناه ضياع الدولة لمصر ولغير مصر".
ووجه الرئيس رسالة للمصريين قائلا: "حافظوا على بلادكم، الناس متعرفش إن نتائج عدم الاستقرار مدمر للدولة ولاستقرارها، طيب باقي القطاعات والشركات اللي اتعطلت والاقتصاد اللي راح، والإرهاب اللي اتصدرلنا في 2013 ولو حصل ده تاني هيحصل نفس الكلام، وممكن يتم الاعتداء عليها كمان، أكتر من 75 كنيسة تم تدميرهم والدولة قامت بترميمهم مرة تانية لأن ده لا يليق".