تتنافس البرامج التليفزيونية كل أسبوع على استضافة أشهر نجوم ونجمات الفن، للحديث عن أمور شخصية وفنية، تضمن الخروج بتصريحات جريئة، تحقق أعلى نسب مشاهدة.. وفي السطور التالية، يستعرض "مصراوي" أبرز 7 تصريحات لأهل الفن في البرامج الفنية خلال الأسبوع الماضي "رسالة حب من الفنانة أمينة خليل لمجهول، والفنان فتحي عبدالوهاب يرد على اتهامه بالمبالغة في الأداء، وسميحة أيوب تكشف أين ذهب أرشيف المسرح المصري؟، وهنا الزاهد توضح تفاصيل موقف منعت فيه خطيبها الفنان أحمد فهمي من الشجار، ..". أمينة خليل ورسالة حب ل"مجهول" وجهت الفنانة أمينة خليل رسالة حب لشخص رفضت ذكر اسمه، وذلك خلال استلامها تكريمها من استفتاء برنامج "معكم"، المعروض على قناة CBC، وقالت أمينة "شكرًا للشخص اللي صدق فيا كل يوم، ورا الكواليس في حياتي ومكنتش هعرف اوصل للي أنا فيه من غيره". فتحي عبدالوهاب يرد على اتهامه بالمبالغة في الأداء حل الفنان فتحي عبدالوهاب الأسبوع الماضي ضيفًا على برنامج "حفلة 11" المعروض على قناة ON E، ورد على سؤال المذيعة سمر يسري بشأن وجود من يتهمه بالمبالغة في الأداء، قائلًا "لا مسمعتهاش وده مش معناه برضه أنها مش موجودة، ومش معناه انها مش حقيقية من وجهة نظر اللي بيتفرج"، مضيفًا "أنا شخصيًا مقدرش أحكم، والتوحد مع الشخصية عمره ما يعمل كده كل الفكرة إن ممكن اللي بيتفرج بيبقى عنده مشكلة بيتفرج بفكرة مسبقة، بمعنى بيتفرج مثلًا على قاتل محترف أحيانا وفي بعض وجهات النظر بيكون عنده تصور من موروثه هو في الفرجة من فيلم شافه عجبه، أيًا كان المصدر بيحس وقتها إنه اتخان، هو مش المفروض يبقى كده". وتابع "مبزعلش إطلاقا لما حد يقول كده في الآخر أنا بعمل حاجة عشان تتعرض ومن حق أي حد يقول أي حاجة". هنا الزاهد تمنع أحمد فهمي من "الشجار" واستضافت المذيعة سمر يسري، في حلقة جديدة من نفس البرنامج الفنانة الشابة هنا الزاهد، والتي روت موقف تعرضت له بصحبة خطيبها الفنان أحمد فهمي، قائلة "من كام يوم كنا بنتغدى، وقفتنا ست كبيرة اد جدتي، لقيتها بتقولي أنا بحبك جدًا، وبصت لي وهو واقف جنبي، وقالتلي انتي هتتجوزيه، فقلتلها اه إن شاء الله". وتابعت "بص كده هزر معاها وبعدين حس إنها بتتكلم بجد، بس هي كانت بتهزر فعلًا، قالتله خللي بالك منها، واحنا قاعدين قالي اقوم اتخانق معاها، فقلتله دي ست اد جدتك. هو اتضايق من كلمة انتي هتتجوزيه". كارول سماحة استضاف الفنان هشام عباس في حلقة جديدة من برنامجه "شريط كوكتيل" الذي يقدمه على شاشة قناة الحياة، الفنانة اللبنانية كارول سماحة، وبسؤالها هل ستسمح لابنتها بالغناء إذا رغبت في ذلك عندما تكبر، أجابت "مش بحاول التأثير فيها ولا شيء بربيها زي ما انا اتربيت، بسمعها أغاني حلوة نظيفة، نهذب لها ذوقها بالسمع، بسمعها كتير فيروز، الموسيقى الكلاسيكية، لو حابة تعمل ده وعندها موهبة حقيقية مش همنعها، بس اتمنى تعيش حياة فيها سلام اكتر مفيهاش توتر وضغط، لأن مش كل الناس اد أضواء الشهرة". إليسا ومرض السرطان تحدثت الفنانة اللبنانية إليسا في برنامج "صار الوقت"، على قناة MTV عن رحلتها مع مرض السرطان، وكشفت أن والدها كان مريضًا بسرطان المعدة. وقالت "كنت مستعجلة أعرف نتيجة الورم اللي عندي حميد أو خبيث، وبكيت لما عرفت، بلحظة توقفت حياتي تذكرت أمي كيف بدي اخبرها الناس اللي حواليا، لأنني عشت من قبل هذه المعاناة وتجربة المرض والعمليات وأجريت أكثر من عملية، وقتها شفت ان اللي حواليا تعبوا اكتر مما كنت تعبانة، فكرت في أمي وخلتها بعيد، الطبيب اللي خبرني بنتيجة التحاليل خبرني بشكل مش لطيف، صدمني بالطريقة اللي خبرني بيها، قالي إليسا معك سرطان بس راح تصحي، مسمعتش نص الجملة التانية. أبويا كان عنده سرطان بالمعدة، ما قلتله إنه عنده سرطان لأن الإنسان لما بيفقد الأمل بيبطل يتقدم، بيبطل الطب يقدمه". درة تختار أجمل ممثلة في مصر في حلقة من برنامج الحكاية المعروض على قناة MBC مصر، استضاف الإعلامي عمرو أديب، الفنانة درة، وسألها عن الفنانة الأجمل في مصر حاليًا، وقالت "فيه كذا واحدة حلوة، السوشيال ميديا عملت حاجة وحشة وهي المقارنات، مفيش حاجة اسمها الأكثر جمالًا حتى في هوليوود فيه كذا واحدة حلوة". وتابعت "فيه كتير حلوين في مصر يسرا اللوزي، ياسمين صبري حلوة طبعًا زي القمر، نور، وفيه ناس بتعجبني شخصيتها وشكلها زي صبا مبارك وأروى جودة ونيللي كريم، كل واحدة لها لوك ولها ستايل". سميحة أيوب استضاف الإعلامي أسامة كمال في حلقة من برنامج مساء DMC ، "سيدة المسرح العربي" الفنانة سميحة أيوب، وتحدثت عن أرشيف المسرح المصري. وقالت سميحة "عندنا أرشيف مسرحي كبير وللأسف مسجون، اللهم إلا قناة ماسبيرو زمان بتطلع أحيانا على استحياء بعض المسرحيات لكن فيه كنوز هما مش عارفنها محطوطة في المخازن، في القناة الثانية بيذيعوا كنوز مسرحية الساعة 3 صباحًا مين هيشوفه، أنا بعض ساعات أطلع حاجة من المكتبة عندي واتفرج عليها، ببقى مبهورة ده اتعمل قبل كده واقول ايه العظمة دي". وتابعت "مش كل شغلي عندي ومش كل شغلي اتسجل، كان فيه مسرحية اسمها كليوباترا مخرجها انجليزي كان عامل فيها عرض رائع، الفتى مهران شيء محصلش وبرضه متسجلتش، والندم بتاعت سارتر متسجلتش".
