مي كساب توجه الشكر لزوجها أوكا لهذا السبب

أعربت الفنانة مي كساب عن سعادتها بقرب انتهاء تحضير ألبومها الجديد " أنا لسه هنا"، المقرر طرحه بالأسواق خلال الفترة القادمة، موجهة الشكر لكل من ساعدها فيه وعلى رأسهم زوجها المطرب أوكا، عبر صفحتها ب" إنستجرام".
وكتبت:" ألف حمد وشكر لله فاضلي أغنية واحدة واخلص الألبوم اللي بقالنا 4 سنين بنشتغل فيه حاسة احساس حلو قوي بقالي سنين ما حستهوش ومتفائلة جدا وحاسة أن ربنا هيكتبلنا النجاح والتوفيق علي اد تعبنا".
وأضافت:" بشكر من قلبي كل الناس اللي وقفت معانا عشان نخلص الألبوم ده، شعراء وملحنين وعازفين ومهندسي الصوت، وطبعا أخويا محمد حسين اللي طول الوقت بيساعدني، ورامز سليمان الجدع وهاني عزيز المحترم اللي قدموا لي كل الدعم عشان أخلص الألبوم ".
وتابعت:" وفِي النهايه جوزي حبييي بحبك حب كبير قوي، ربنا وحده اللي عالم انت جوايا ازاي، فرحانة بيك وليك ربنا يخليك لينا ودايما ضهر وسند ليه، ألبومي كله توزيع موسيقي ورؤية فنية أوكا يا رب أدينا على أد تعبنا ".