"عجباني شجاعتك يا هضبة".. بماذا علّق النجوم على صورة "الهضبة" ودينا الشربيني؟

تداول عدد كبير من جمهور الهضبة صورا تجمع بين دينا الشربيني وعمرو دياب، خلال تواجدهما بجزيرة ميكونوس باليونان، لإحيائه حفلا غنائيا أقيم، الجمعة الماضي.
كما تحدثت تقارير صحفية عن اعتزام الهضبة على إعلان الزواج من الفنانة دينا الشربيني.. ونعرض لكم في السطور التالية تعليقات بعض النجوم على الصور:
مي حلمي
عبرت المذيعة مي حلمي، بصفحتها بموقع "إنستجرام"، عن إعجابها الشديد بعلاقتهما، وكتبت عليها قائلة: "تعالوا نتكلم بمنطقية.. حقه وهما حلوين أوي بصراحه ودينا حبها ليه باين أوي وهما حرين.. الهضبة فنه بتاعنا ماشي، لكن هو مش بتاع الناس إيه المشكلة وماعملوش حاجة مستفزة يعني لكل ده ولا الناس بقت مستغربة الحب بقي جديد عليهم لما بيشوفوه على حد بيتخضوا؟".
واستكملت: "عشان دارو؟ كل الناس بتداري مشهور أو عادي لحد ما ييجي الوقت المناسب المهم إني بحبهم وهي ضحكتها وروحها حلوين أوي.. كفاية إنها لقت الحب اللي كل الناس نفسها فيه دا لوحده كفاية، حِبوا بعض خلو الناس تموت بغيظها".
مجدي الهواري
نشر المخرج مجدي الهواري صورة للثنائي عبر صفحته الشخصية بموقع "فيسبوك" وعلق: "الحب للجدعان الحب سيد الأخلاق".
وتابع: "أعرف عمرو دياب من زمان وغير إننا أصحاب فكرنا كتير نشتغل مع بعض وفعلا عملت معاه أغنيتين راجعين وآخر كلام producer وكان آخر مشروع كنّا حنعمله مع بعض فيلم تأليف محمد حفظي.. بس كان طول عمره واضح وصريح حتى وهو بيتكلم ضد مصلحتك بيبقى عنده حجة!! بس بيقولها برجولة ومبيهموش! عجباني شجاعتك يا هضبة.. والباقي هري".
وأضاف: "واحد تاني مش واثق من نفسه كان خلاها في السر!! أو هو فاكر إنها حتبقى في السر على وضعك يا هضبة".
ياسمين المصري
شاركت الفنانة ياسمين المصري متابعيها بصورة الهضبة مع دينا الشربيني عبر صفحتها بموقع "إنستجرام". وكتبت عليها: "صباح السعادة، افرح للناس الفرح يجيلك عمرو دياب راجل جدع محترم ابن ناس".
واستكملت: "الحب للشجعان اختاري اللي يواجه العالم معاكي وميفرقش معاه حد ولا رأي الناس ولا شكله الاجتماعي اختاري اللي حبك وحب روحك رغم كتر البدايل حواليه.. اختاري اللي يقدرك وبس".