حرص عدد من نجوم فرقة "مسرح مصر"، على مشاركة جمهورهم على صفحات التواصل الاجتماعي، صور من احتفالهم بعيد الحب، ليعبروا عن مشاعرهم بالصور وأرق الكلمات. كتب الفنان محمد أنور لعروسه نوران عاصم تركي: "أول عيد حب وأنا معايا أول وآخر حب". وتبادلت إسراء عبدالفتاح و زوجها وزميلها بالفرقة حمدي الميرغني، التعبير عن حالة الحب التي يعيشان فيها، وكتبت "كل سنة وانت طيب وربنا يخليك ليا يا أغلى من الدنيا عندي، ربنا ما يحرمني من وجودك في حياتي يا أغلى من حياتي". ورد عليها الميرغني، وكتب "كل يوم بيني وبينك هو عيد حب كل لحظة معاكي بيتولد حب جديد.. بحبك وهفضل أحبك يا مراتي يا بنتي يا اختي يا أمي ياحبيبتي.. ربنا يخليكي ليا ويبعد عنك كل سوء ويارب يجعلني سبب سعادتك وفرحتك.. مهما قولت وكتبت مش هعبر عن جزء من اللي في قلبي ناحيتك.. بحبك اووووي". ونشر الفنان حامد الشراب عدة صور له مع خطيبته مجمعة في صورة واحدة، وكتب عليها قائلا: "أول عيد حب يعدي علينا مع بعض وإن شاء الله لآخر العمر يا حبيبتي، ومش هعترف بعيد الحب بصراحة علشان كل يوم جنبك عيد حب وكل يوم وكل ساعة". وأضاف: "كل ثانية حبي ليكي بيزيد اكتر واكتر وبعرف إني لو لفيت الدنيا كلها مش هلاقي زيك بحبك وربنا يخليكي ليا وميحرمنيش منك أبدا ويتمم لينا على خير كل لحظة وانتىي معايا.. مش كل عيد حب بس".
