قبل طرحها ضمن ألبوم "ماتاخدي بالك".. ننشر قصة "مش هاخش النار عشانك"‎

أكثر من قصة طريفة شهدتها كواليس إعداد المطرب علي الحجار، لألبومه "ماتاخدي بالك"، المقرر طرحه السبت المُقبل 11 نوفمبر، ومنها تلك التي فتحت الطريق أمام تعاونه الأول مع صديقه الشاعر فوزي إبراهيم، عبر أغنية "مش هاخش النار عشانك"، فما هي حكايتها؟.
الشاعر فوزي إبراهيم حكى ل"مصراوي" قصة الأغنية، وقال "(مش هاخش النار عشانك)، مستلهمة من حوار تليفوني جمعني مع علي الحجار من 7 سنين، عقب إحيائه لحفل عيد ميلاد واحدة من أشهر المجلات الفنية، وكنت أنا وقتها رئيس تحريرها، وهو أحيا الحفل مع أنغام."
ويضيف "بعد الحفل اتصل الحجار بي ليعرف رأيي كأي فنان حقيقي، وقال إنه مش عاوز يسمع مبالغة، فقلت له إنها كانت أحسن حفلة شُفتهاله، وكان رافض يصدق وشايف إني بجامله، فرديت: مهما أحبك مش هاخش النار عشانك، وسكتنا إحنا الاتنين، وقلنا: إيه ده.. ده موضوع غنوة حلو قوي، واتفقنا إنه هنكتبها وكتبتها".
ثم يقول الشاعر "وبناء على كلامنا كتبت مذهبها الذي يقول (عمر ما حد غيرك خد مكانك، وأما بحلف صدقي الحلفان، لأني مهما أحبك مش هاخش النار عشانك)، وسمعته المذهب ده واتفقنا إنه هيغنيها".
ويتابع فوزي "ومن سنة تقريبًا لقيت علي الحجار، بيكلمني بيسألي فين غنوتي، فأنا استغربت لأنه عدى 7 سنين، فقلت له غنوة إيه، فكرني بيها، واتفقنا بعدها على تسجيلها، ورشحنا لتلحينها الملحن محمد النادي، ووزعها موسيقيا أحمد شعنوت، وفعلًا سجلناها".
فوزي اختتم حديثه مع "مصراوي"، قائلًا "بعدما انهينا تسجيل الأغنية، سمع الحجار أغنية أخرى، اسمها (هو انتي معايا على الدنيا ولا انتي مع الدنيا عليا)، فأعجبته وقرر ضمها أيضا إلى ألبومه (ماتاخدي بالك)، بعد أن قام بتلحينها أمجد العطافي، ووزعها موسيقيا إسلام رفعت.
وتقول كلماتها "ليه قلبك بقى زي الدنيا، يوم ليا وسنة ييجي عليا، أنا عايز أشوفك عشقاني، وف همي وفرحي مشاركاني، وأحس أنك عايشة عشاني مش عايشة عشان تحرجي فيا".
ويوضح الشاعر أن أخر كلمات مذهب الأغنية، شهدت حوارا بينه وبين الحجار، حتى اتفقا على تقديمها مرتين، الأول كما هي بالموسيقى، والثانية بصوته فقط ويختتم بها الأغنية ليقول "وأحس انك عايشة عشاني، مش عايشة عشان تشمتي فيا".